5. Mose 7:1 - O Debleskro Lab 2024 (Sinte-Manouche)

¹ T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

O Debleskro Drom 2021 (Sinte)

¹ Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

5. Mose 7:1 Iomraidhean Croise

1. Rajengro liil 16:31

Oun har te vals gar doha, kay kras yob ko tselo čilačo koova, hoy ninna o Yerobeam kras, koleskro dad o Nebat his, romedineras lo i Isebel, koy čat o rayestar pral Sidon. Leskro lab his Etbaal. Oun o Ahab djas koy oun vitsras pes glan o rhorheno debleste Baal tele, oun mangas les an.

1. Familjakro liil 1:14

ninna i Yebousarya, i Amorarya, oun i Girgasharya,

2. Familjakro liil 8:7

I tsele menshe, kay pral ačan kolendar, kay glan i Israelitarya an o them djivan, oun kolen i Israelitarya maran gar, kolengre čave, kay pal lende van, kolen las o Salomo, te venn le leskre boudepangre, kay hounte boudrenn leske. Kova hi ninna kava dives yaake. Yon his Amorarya, Hetarya, Perisarya, Hivarya, oun Yebousarya.

Esra 9:1

Har kova halauter kerdo his, van i pralstoune pash mande oun penan: “I menshe dran Israel, i rashaya oun i Levitarya rikran pen gar pale i vavar menshendar, kay djivenn an kava them: kol Kanaanitarya, Hetarya, Perisarya, Yebousarya, Ammonarya, Moabarya, Egiptarya oun Amorarya. i Israelitarya krenn yaake djoungelo koova har kolla.

Nehemia 13:23

An ko tsiro dikom me bibolden, kay lan penge romyen dran o Filistarengro foro Ashdod, ninna dran i themma Ammon oun Moab.

Debleskri gili 78:55

Yob tradas i tsele vavar menshen glan lende vin, oun das lengro them peskre menshende, hakeneste kol deesh-te-douy bare familyendar das lo lengro kotar, te vell ko them lengro. An i plarhtene khera kol vavar menshendar moukas lo i Israelitaryen te djivell.

2. Mose 15:7

Raylo oun baro hal, oun khetne stakral, koon pes pral toute hadas. Tiri rholi vas har i yag pral lende. Har i yag o phouss rhačrell, yaake lendar či ačell.

2. Mose 23:28

I Hivarya, i Kanaanitarya oun i Hetarya nashenn i daryatar glan toute penge, te veh tou pash lende.

2. Mose 23:32

Ma avenn lengre mala! Ma mangenn čomone lengre deblendar!

2. Mose 23:33

Moukenn len gar t'mentsa khetne an t'maro them te djivell! Te krans le kova, nay anans le t'men yaake dour, te mangenn t'mer lengre deblen an oun shounenn bouder gar ap mande. Oun kova vals t'maro merepen.

2. Mose 33:2

Oun me bičrau i bolepaskro. Kova djal glan t'mende. Oun me tradau i vavar menshen an kava them vin: i Kanaanitarya, i Amorarya, i Hetarya, i Perisarya, i Hivarya oun i Yebousarya.

2. Mose 6:8

Palle anau me t'men an ko them, koleske me miro vast dom, oun man sovel dom, te dau les o Abrahameste oun o Isaakeste oun o Yakobeste. Kava them dau me t'mende, te vell lo t'maro them. Me, o baro Devel, dau les t'mende.”

3. Mose 14:34

Te venn t'mer an o them Kanaan, hoy me t'men dau, te vell kava them t'menge, oun me moukau kote an i kheer i djoungelo kotar vin te vell,

4. Mose 13:29

An o them Negev djivenn i Amalekarya. An o pralstouno them djivenn i Hetarya, i Yebousarya oun i Amorarya. Pash o baro pani oun pash o pani Yordan djivenn i Kanaanitarya.”

4. Mose 14:31

T'mare čave, kolendar t'mer penan: Yon perenn an i vasta kolendar, kay kouram men mer, kolen anau an ko them, kay t'mer gar kaman. Ko them vell lengro.

Bičepangre 13:19

Palle tradas yob efta natsyone dran ko them Kanaan vin, oun das kava them mare menshende.

5. Mose 11:29

Te anell t'men t'maro baro Devel an ko them, an koleste t'mer venn, te lenn les t'menge dren, palle denn koy barht vin gole ap i berga Garizim, oun i bibarht ap i berga Ebal.

5. Mose 20:1

Te djan t'mer vin an o kourepen, te kourenn t'men kolentsa, kay kamenn t'men gar an o them, oun t'mer dikenn lengre graya oun kourepaskre vourdya oun lengre lourden, kay hi boud boudeder har t'mer, palle ma darenn lendar! T'maro baro Devel hi t'mentsa, kova kay t'men dran o them Egiptia vin anas.

5. Mose 20:16

An kol forya, hoy hi an ko them, hoy t'maro baro Devel t'men della, hounte moukenn t'mer kekes djido, kek menshes vitar kek firhes.

5. Mose 31:20

Me anau len an ko them, yaake har man sovel dom glan lengre phourende, te krap kova. Kova hi i them, an koleste boud thoud oun gvin hi. Oun yon rhan oun venn čalo oun thoullo. Oun kote nashenn le vavar deblenge palla, oun mangenn kolen an. Oun ap mande dikenn le tele, oun phagenn koy sovel, hoy le mantsa dren djan.

5. Mose 31:3

T'maro baro Devel hi kova, kay djal glan t'mende. Yob hi kova, kay marell kol menshen an kava them glan t'mende, te nay lenn lengro them t'menge dren. Oun o Yosua vell t'maro pralstouno, yaake har o baro Devel kova penas.

5. Mose 4:38

oun tradas menshen vin dran lengre themma glan t'mende, natsyone, kay bareder oun zorleder hi har t'mer, te dell lo t'mende lengro them, yaake har kova kanna hi.

5. Mose 6:1

Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

5. Mose 6:10

O baro Devel, kay tiro Devel hi, anell tout an ko them, kay yob pes pash o Abraham, o Isaak oun o Yakob sovel das, te dell lo les toute. Kote hi bare oun shoukar forya, hoy tou gar kral,

5. Mose 6:23

Oun men las lo koy vin, te anell lo men an kava them, yaake har yob pes sovel das glan mare phourende, te dell lo men kava them.

5. Mose 9:1

Shounenn, t'mer menshe Israel! T'mer djan kava dives pral o pani Yordan, te lenn themma t'menge dren kol menshendar, kay hi bareder oun zorleder har t'mer. Lengre forya hi bares, oun bare massurya djan troul lende pre an o bolepen.

5. Mose 9:3

Doleske djinenn kava dives, te djal t'maro baro Devel glan t'mende har i yag, hoy halauter pre rhačrell. Yob dell len, te hounte nashenn le penge t'mendar. Oun t'mer tradenn len vin oun denn len sik moulo. Yaake penas o baro Devel kova t'menge.

5. Mose 9:4

Pal kova, kay tradas len t'maro baro Devel glan t'mende vin, ma penenn: Dran maro čačo djipen anas men o baro Devel an kava them, te las le menge dren. Na-a, dran o čilačo djipen kol menshendar tradas len o baro Devel vin glan t'mende.

Josua 11:3

Ninna bičras lo morshen pash i Kanaanitarya, kay djivenn kote, kay o kham pre djala oun kote, kay o kham tele djal pash i Amorarya, pash i Hetarya, pash i Perisarya, pash i Yebousarya ap i berge, pash i Hivarya tele pash i berge Hermon an o them Mispa.

Josua 24:11

T'mer djan pral o Yordan vergel, oun van pash o foro Yericho. Kote kouran pen i morsha dran Yericho t'mentsa. Oun me dom len an t'mare vasta, oun ninna kol vavar menshen, kay an kava them djivan: i Amorarya, i Perisarya, i Kanaanitarya, i Hetarya, Girgasharya, i Hivarya oun i Yebousarya.

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.