5. Mose 6:4 - O Debleskro Lab 2024 (Sinte-Manouche)

⁴ Shoun Israel! O baro Devel hi maro Devel, yob kokres oun kek vavar!

O Debleskro Drom 2021 (Sinte)

⁴ Shun Israel! O baro Dewel hi maro Dewel, job kokres un kek wawar!

5. Mose 6:4 Iomraidhean Croise

1. Rajengro liil 18:21

Har yon lauter khetne his, djas o Eliya glan i tsele Israelitaryen oun penas: “Har dour kamenn t'mer gomme ap douy rigya te djan? Hi o baro Devel o čačo Devel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

2. Rajengro liil 19:5

Har shounas o Yesaya i laba kol bare morshendar, kolen o Hiskiya bičras,

1. Familjakro liil 29:10

oun sharas o baro Debles glan i tsele menshende, oun penas: Baro Devel, tou Devel maro dadestar Israel, mer sharah tout kanna oun hako tsiro.

2. Familjakro liil 17:9

Oun yon penan i menshenge an o tselo them Youda, har te djan le ap o Debleskro drom. Len his o baro Debleskro liil, kay dren činlo hi, har te djivenn le, pash pende. Oun djan trouyel an i tsele forya an o them Youda, oun sikran i menshende o Debleskro drom.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Debleskri gili 78:5

Yob sikras o Yakobeskre čavende, har te djivenn le. Oun sikras i Israelende peskro drom. Mare phourenge penas lo, te sikrenn yon pengre čavende, har te djan le leskro drom.

Debleskri gili 86:10

Tou hal baro oun kreh baro koova, hoy kek vavar nay krella. Tou kokres hal o Devel.

Jesaja 42:8

Me hom o baro Devel, kova hi miro lab. Oun ko raylepen, hoy mange hi, dau me kek vavares, vitar gar dau i rhorhene deblen ko sharepen, hoy mange hi.

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jesaja 44:8

Ma darenn, mire menshe! Ma trashenn! Moukom me kova t'men gar te shounell oun penom les t'menge gar glan i rah tsiro? Oun t'mer shounan oun dikan les. Dell i vavar debles har man kokres? Dell i vavar zorelo debles, koles gar prindjrau?

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.

Mateo 22:37

Penas o Yezous ap leste: “Tou kamess tiro Debles o tselo djiyestar an tiro tselo djipen, an lauter, hoy tou djineh.

Louka 10:27

Penas ko morsh: “Tou hounte kamess tiro Debles o tselo djiyestar, an tiro tselo djipen, tiri tseli zoryah, oun an lauter, hoy tou djineh. Oun ap i vavar mensheste hounte vess yaake lačes, har hal lačes ap toute kokres.”

Johanni 10:30

Me oun o dad ham yek.”

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Remarja 3:30

Yob hi ko yek Devel. Kova krell kolen čačo, kay ap o Yezous Kristeste patsenna: i bibolden har kolen, kay kek bibolde hi.

Efesarja 4:6

Oun t'men hi o emligo Devel. Kova hi o dad lauterendar. Yob hi pral lauterende oun mashkral lende, oun djivell an lauterende.

5. Mose 4:39

Yaake hounte djinenn kava dives oun bistrenn kova gar: Dell kek vavar Devel har o baro Devel kokres. Kek vavar devel hi an o bolepen oun vitar gar ap i phoub.

5. Mose 5:6

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

1. Timoteo 2:5

Hi yek Devel i tsele menshenge. Oun hi yek rakepaskro, kay anell o Debles oun i menshen khetne. Kova hi ko mensho Yezous Kristo.

Jakobo 2:19

Tou patseh, kay dell yek Devel kokres. Mishto, kre kova! Ninna kol benga patsenn kova oun trashenna.