5. Mose 5:3 - O Debleskro Lab 2024 (Sinte-Manouche)

³ Gar mare phourentsa kokres djas lo koy sovel dren, na-a mentsa lauterentsa, kay kava dives djivah oun kate ham.

O Debleskro Drom 2021 (Sinte)

³ Gar mare phurentsa kokres djas lo koi sowel dren, na-a mentsa lauterentsa, kai kau diwes djiwah un kate ham.

5. Mose 5:3 Iomraidhean Croise

1. Mose 17:21

Kokres ko koova, hoy me touha vin krom, te vap t'maro Devel oun te venn t'mer mire menshe, kova djal doureder ap o Isaak. Koles leh tou tiri romyatar Sara ko vavar bersh an kava tsiro.”

1. Mose 17:7

Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Jeremia 34:13

Kava penell o baro Devel, kay o Israeleskro Devel hi: Me krom t'mare phourentsa vin, har anom len dran o them Egiptia vin, kay yon pandle boudepangre his,

Mateo 13:17

Čačepah me penau t'menge: An o phouro tsiro his boud Debleskre rakepangre oun vavar menshe, kay kran, hoy o Devel kamella. Kolla kaman te dikell, hoy t'mer dikenna, oun dikan les gar. Oun yon kaman te shounell, hoy t'mer shounenna, oun shounan les gar.

5. Mose 29:1

Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

5. Mose 29:9

Kava dives han halauter glan t'maro baro Debleste tardo: I pralstoune pral t'mare bare familyende, t'mare phoureder oun kolla, kay pral t'mende penepaske hi, hake morsha,