5. Mose 5:2 - O Debleskro Lab 2024 (Sinte-Manouche)

² Maro baro Devel djas mentsa i sovel dren pash i berga Horeb.

O Debleskro Drom 2021 (Sinte)

² Maro baro Dewel djas mentsa i sowel dren pash i berga Horeb.

5. Mose 5:2 Iomraidhean Croise

2. Rajengro liil 17:35

Lenge das o baro Devel peskro lab, te hi lo lengro Devel oun yon leskre menshe. Ap lende penas lo: “Sharenn kek vavar deblen! Ma čivenn t'men tele glan lende! Ma mangenn len an! Oun anenn lenge kek firhen oun kek soungepaskro koova!

2. Mose 19:1

Oun i Israelitarya djan penge dran Refidim oun van an o moulo tato them Sinay. Ap kova dives his triin čonna, har nashan le dran o them Egiptia. Oun yon ačan glan i berga.

2. Mose 24:8

Koy las o Mose o rat oun vitsras les ap i Israelitarya oun penas: “Dikenn, kava hi o rat, hoy sikrella, te vas o baro Devel t'maro Devel, oun t'mer van leskre menshe, kay rikrenn kal tsele laba, hoy yob t'menge penas.”

2. Mose 34:10

O baro Devel penas ap leste: Me dau t'men miro lab, oun dau miro vast pre: Glan t'mare yaka kamau me zorelo oun baro koova te krell, har an kek vavar them oun pash kek vavar menshende kerdo vas. Te dikenna i tsele menshe, kay troul t'mende hi, havo baro koova me t'menge krau, palle darenn le oun krenn bare yaka.

Jeremia 11:4

Har me t'mare phouren dran o them Egiptia lom, har dran i sasterno yagakro bob, krom me lentsa vin, te shounenn le ap mande, oun krenn har lenge penom, palle hi yon mire menshe, oun me hom lengro Devel.

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Jeremia 34:13

Kava penell o baro Devel, kay o Israeleskro Devel hi: Me krom t'mare phourentsa vin, har anom len dran o them Egiptia vin, kay yon pandle boudepangre his,

5. Mose 1:6

Maro baro Devel rakras mentsa pash i berga Horeb oun penas: Doha hans kanna pash kay berga:

5. Mose 29:1

Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

5. Mose 4:13

Oun yob kras t'mentsa vin, te hi lo t'maro Devel, oun t'mer han leskre menshe. Oun yob das t'men kol deesh laba, hoy činas lo an douy barra, oun penas t'menge, te hounte rikrenn t'men ap kova, hoy t'mer leha vin kran oun hounte djivenn pal kol deesh laba.

5. Mose 4:23

Kanna denn t'men yak, te bistrenn gar, hoy t'maro baro Devel t'mentsa vin kras! Ma krenn t'menge i figura čomonestar, hoy mangenn an, har te vals i devel. T'maro baro Devel penas t'menge zoreles, te krenn kova gar.

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!