5. Mose 5:11 - O Debleskro Lab 2024 (Sinte-Manouche)

¹¹ Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

O Debleskro Drom 2021 (Sinte)

¹¹ Ma le miro lab ‘baro Dewel’ tchitcheske an tiro mui! Me, o baro Dewel, hom tiro Dewel un dau i phagi hakenes, koon kowa krella.

5. Mose 5:11 Iomraidhean Croise

Debleskri gili 139:20

Yon, kay praasenn tout oun hadenn pen ap toute, lenn tiro lab an o mouy te rhorhenn le.

2. Mose 20:7

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

3. Mose 19:12

Ma denn t'men i rhorheno sovel pash miro lab! Sau koveha anenn t'mer ladj ap miro lab. Me, o baro Devel, hom t'maro Devel.

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

Jakobo 5:12

Mire phrala, ma denn t'men sovel, gar ap o bolepen, vitar gar ap i phoub oun vitar gar ap vavar koova. Te penenn t'mer: “Ava,” yaake hounte vell kova ninna ava. Oun te penenn t'mer: “Na-a,” yaake hounte vell kova ninna na-a, te lenn kek phagi o Deblestar.