5. Mose 4:26 - O Debleskro Lab 2024 (Sinte-Manouche)

²⁶ Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

O Debleskro Drom 2021 (Sinte)

²⁶ Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

5. Mose 4:26 Iomraidhean Croise

1. Mose 19:13

Boud djoungelo koova vas glan o baro Debleskre kanda, hoy i menshe an kava foro kran. Doleske bičras men o baro Devel, te kras kava foro paash.”

1. Rajengro liil 9:7

palle tradau me i Israelitaryen vin dran lengro them, hoy me len dom. Oun ko kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral o Israel.

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

Jeremia 16:13

Doleske tradau me t'men dran kava them vin an i them, kay prindjrenn t'mer gar oun kay prindjran t'mare phoure vitar gar. Kote hounte venn vavar deblenge koy ap o dives oun ap i rati; me krau miro dji t'menge pandlo.

Jeremia 2:12

Dare tou, bolepen, oun tout vell traash pral kava koova, penell o baro Devel.

Jeremia 22:29

T'mer menshe an kava them, shounenn! Shounenn mishto! Shounenn o baro Debleskro rakepen:

Jeremia 32:24

I Babilonarya hi troul o foro tardo, oun čivan phoub pre, te krenn le i drom, te nay djan le an o foro dren. Kava drom djal bis pash o foreste. Sik hounte perell o foro an lengre vasta. Oun i menshendar koy dren merenn boud i bokatar oun ap o djoungelo nasslepen. Oun vavar venn maredo o rhareha. Yaake har tou kova penal, yaake vas ninna; tou nay dikeh kokres, har hi.

Jeremia 44:22

oun yob nay dikas bouder gar, har djan ap t'maro čilačo drom oun kran savo djoungelo koova! Doleske vas t'maro them i moulo them. I menshe, kay shounenn kolestar, denn i vasta pral o shero khetne. Oun te kamenn le yekes te praasell, penenn le: Mou djal touke har o themeske Youda! Kek mensho djivell bouder koy. Yaake hi kova kava dives!

Jeremia 6:19

I menshe ap i tseli phoub hounte shounenn kova. Me kamau bibarht pral kal menshende te anell. Ap mire laba denn le kek garda, oun djan gar ap miro drom. Doleske lenn le pengri phagi.

Ezekiel 33:28

Oun me krau o them, te vell lo i vi-meredo them, te nay venn t'mer bouder gar pre-phourdo oun zorelo. I berge an Israel venn i moulo them, kay bouder kek pral vergel djal.

Ezekiel 36:4

Doleske shounenn, t'mer berge Israel, hoy o baro Devel penell! Kava penell o baro Devel, maro ray, ap i bare oun tikne berge, ap i panya oun tale, ap i barra, hoy i tele-phagede kherendar pral ačan, oun ap i moukle forya. I menshe dran i themma troul t'mende, randan t'men vin, oun t'mer van lenge sapaske.

3. Mose 18:28

Te krenn t'mer kava them ninna pale-čiddo, venn t'mer dran kava them vin tradedo har kol vavar menshe, kay glan t'mende kay his.

Micha 1:2

Shounenn t'mer tsele themma! Denn yak, t'mer ap i tseli phoub! O baro Devel, maro ray an o bolepen, kamell t'mentsa te rakrell pral kova, hoy kran!

Micha 6:2

Shounenn t'mer phoure berge, ap kolende i phoub tardo hi! Denn yak, hoy hounte penell o baro Devel peskre menshenge. Yob rakrell o čačepen vin pral peskre menshende, oun penell i Israelenge, kay kova, hoy le kran, gar mishto hi.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

5. Mose 11:17

Te krenn savo koova, nashte vell i rholi o baro Deblestar pral t'mende, oun yob pandell o bolepen tele, te dell bouder gar brishin, oun i phoub nay moukell či pre te djal. Palle merenn t'mer sik vin an kava lačo them, hoy o baro Devel t'men das.

5. Mose 28:20

Te moukenn t'mer o baro Debles oun djan ap t'maro čilačo drom, bičrell lo mank t'mende bibarht oun daar an halauter, hoy t'mer krenna, yaake te djinenn bouder gar, hoy te krenn. Yaake merenn t'mer oun djan sik tele.

5. Mose 28:22

Yob bičrell t'men savo nasslepen, hoy rhal t'men pre, t'maro mass vell lolo oun tato, oun i fibro rhačell an t'mende. Oun yob rikrell o brishin pale an t'maro them. Oun i tato dourho krell, te vell o djob nasselo oun merell tele. Oun kova halauter vell pral t'mende bis te moulo han.

5. Mose 28:45

Te shounenn t'mer gar ap t'maro baro Debleste oun leskre laba, oun krenn gar, hoy lo t'mendar kamell oun t'menge penas, vell kay tseli bibarht pral t'mende, oun lell t'men palla, bis te moulo han.

5. Mose 28:61

Oun ninna ko tselo vavar nasslepen oun doukepen, hoy hi gar činlo an kava čačepaskro liil, moukell lo pral t'mende te vell, yaake rah bis te t'mer moulo han.

5. Mose 29:28

Kova hoy khatedo hi, djinell kokres maro baro Devel. Mende sikras lo, hoy lo mendar kamell, te djivas mer pal kal tsele laba, hoy an kava čačepaskro liil činlo hi. Kova hi menge oun mare čavenge hako tsireske.

5. Mose 31:28

O Mose penas doureder: “Penenn, te venn i phoureder dran t'mare familye oun t'mare pralstoune kate pash mande khetne, te penap kay gili glan lengre kanda. Oun ap o bolepen oun ap i phoub dau me gole, te shounenn yon, hoy vella pral t'mende, te moukenn t'mer man.

5. Mose 32:1

Tou bolepen, shoun, hoy penau! Tou phoub, de yak ap i laba, hoy venna dran miro mouy!

5. Mose 7:4

Kol ča anens t'mare morsh čaven o baro Debleskro dromestar tele, yaake te mangens le vavar deblen an. Palle vals o baro Debleskri rholi pral t'mende, oun sik marals yob t'men.

5. Mose 8:19

Ma bistrenn t'maro baro Debles! Ma nashenn vavar deblen palla! Oun ma vitsrenn t'men glan lende tele, te mangenn len an! Te krenn kova, palle dau t'men kava dives miro lab pre, te venn t'mer yaake moulo dino,

5. Mose 8:20

har kol vavar menshe, kay o baro Devel glan t'mende marell. Čačepah, t'mer te shounenn gar ap leskro rakepen, venn t'mer maredo.

Josua 24:20

Te moukenn t'mer o baro Debles, oun mangenn vavar deblen an, palle dikell lo bouder gar lačes ap t'mende oun sikrell t'menge o doumo, oun anell bibarht pral t'mende, bis te bouder kek t'mendar koy hi.”