5. Mose 4:25 - O Debleskro Lab 2024 (Sinte-Manouche)

²⁵ Te djivan t'mer an o them boud bersha oun t'men hi čave oun čavengre čave kote, ma krenn t'menge i debleskri figura čomonestar! Kova vals čilačo glan i yaka o baro Deblestar. Te krenn t'mer savo djoungelo koova, krenn t'mer les rhoyedo.

O Debleskro Drom 2021 (Sinte)

²⁵ Te djiwan tumer an o them bud bersha un tumen hi tchawe un tchawengre tchawe kote, ma krenn tumenge i debleskri figura tchomonestar! Kowa wals tchilatcho glan i jaka o baro Deblestar. Te krenn tumer sawo djungelo koowa, krenn tumer les chojedo.

5. Mose 4:25 Iomraidhean Croise

2. Rajengro liil 21:2

Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

Debleskri gili 78:58

Yon mangan i vavarengre deblen an. Oun rhoyran o Debles, har kran le penge rhorhene deblen.

2. Mose 20:4

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.

2. Mose 32:7

O baro Devel rakras ap o Mose: “Naash, dja tele, tire menshe, kay tou dran o them Egiptia vin anal, kran djoungelo koova.

Ezekiel 8:10

Oun me djom dren an i isema oun dikom boud djoungele figure an i massurya dren dino: sapa oun vavar djoungele firhe, kolen i menshe dran o kheer Israel an-mangenn.

Hosea 9:17

I menshe Efrayim shounan gar ap miro Debleste. Doleske vitsrell lo len pestar krik. Yon venn naashepangre an i vavar themma.

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

1. Korintarja 10:22

Ma rhoyrenn o Debles! Mer ham gar zorleder har yob.

5. Mose 16:22

T'mer hounte čivenn kek barra pre, te mangenn i vavar debles an. Savo koova hi djoungeles glan o baro Debleskre yaka.

5. Mose 27:15

“Praasedo vell kova, kay krell pes i sasterni figura, ninna i kashteni figura, te mangell lo lat čorrhanes an! Savi figura kerdi mensheskre vastentsa hi djoungeles glan o baro Debleskre yaka.” Oun i tsele menshe hounte penenn: Amen!

5. Mose 28:45

Te shounenn t'mer gar ap t'maro baro Debleste oun leskre laba, oun krenn gar, hoy lo t'mendar kamell oun t'menge penas, vell kay tseli bibarht pral t'mende, oun lell t'men palla, bis te moulo han.

5. Mose 28:61

Oun ninna ko tselo vavar nasslepen oun doukepen, hoy hi gar činlo an kava čačepaskro liil, moukell lo pral t'mende te vell, yaake rah bis te t'mer moulo han.

5. Mose 30:18

palle penau me t'menge kava dives: T'mer djivenn gar i rah tsiro an ko them vergel o pani Yordan, an koleste t'mer djan, te lenn les t'menge dren.

5. Mose 30:19

Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

5. Mose 31:29

Me djinau, pal miro merepen doukrenn t'mer o baro Debles, oun djan ko dromestar tele, hoy t'mende sikrom. T'mer krenn, hoy čilačo hi glan o baro Debleskre yaka, oun mangenn vavar deblen an, oun rhoyrenn les koleha. Doleske vell bari bibarht pral t'mende.”

5. Mose 32:5

T'mer moukan leskro drom, oun han bouder gar moldo te kharenn leskre čave. Pherdo čilačepen oun rhorhepen han t'mer.

5. Mose 4:16

Doleske krenn t'menge kek figura, hoy an-mangenn! Kova vals i čilačo koova glan o Debleskre yaka, te krans t'mer t'menge i devel, hoy vin dikell har i morsh, i djouvel,

5. Mose 4:23

Kanna denn t'men yak, te bistrenn gar, hoy t'maro baro Devel t'mentsa vin kras! Ma krenn t'menge i figura čomonestar, hoy mangenn an, har te vals i devel. T'maro baro Devel penas t'menge zoreles, te krenn kova gar.

Josua 24:20

Te moukenn t'mer o baro Debles, oun mangenn vavar deblen an, palle dikell lo bouder gar lačes ap t'mende oun sikrell t'menge o doumo, oun anell bibarht pral t'mende, bis te bouder kek t'mendar koy hi.”