5. Mose 4:24 - O Debleskro Lab 2024 (Sinte-Manouche)

²⁴ Yob hi i zoreli yag, hoy halauter pre rhačrell, oun kamell, te kamenn t'mer les kokres.

O Debleskro Drom 2021 (Sinte)

²⁴ Job hi i soreli jag, hoi halauter pre chatchrell, un kamell, te kamenn tumer les kokres.

5. Mose 4:24 Iomraidhean Croise

2. Rajengro liil 24:20

Kova halauter kras o baro Debles yaake rhoyedo pral o foro Yerusalem oun o them Youda, te tradas lo len pestar krik. Oun o Sedekya phagas o baro rayeha pral o them Babilonia, oun kras bouder gar, hoy kova kamas.

Debleskri gili 21:9

Tiro vast hatsell hakenes, kay kamell touke čilačepen te krell. Tiro čačo vast hatsell kolen, kay pen ap toute rhoyrenna.

Debleskri gili 78:58

Yon mangan i vavarengre deblen an. Oun rhoyran o Debles, har kran le penge rhorhene deblen.

2. Mose 15:7

Raylo oun baro hal, oun khetne stakral, koon pes pral toute hadas. Tiri rholi vas har i yag pral lende. Har i yag o phouss rhačrell, yaake lendar či ačell.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

2. Mose 24:17

O raylepen o baro Deblestar his glan i Israelengre yaka har i bari yag, hoy pral ap koy berga rhačella.

2. Mose 33:3

Yaake anau t'men an ko them, kay hi boud thoud oun gvin. Me vau gar t'mentsa. T'mer djivenn pal t'maro shero oun kamenn gar te shounell. Oun me doms nay t'men moulo ap o drom, te djoms t'mentsa.”

2. Mose 34:14

Mangenn kek vavar Debles an! Me, o baro Devel, kamau, te kamenn man kokres. Me kamau kokres te vap t'maro Devel.

Jesaja 10:17

Oun ko Devel, kay o Israeleskri momeli hi, vell i yag, ava, lengro Devel vell i yagakri čip, oun rhačrell i soubyengre bourra oun o soubyengro zenlepen pre ap yek dives.

Jesaja 30:27

Dikenn, o baro Devel vella foun doural. Leskri rholi hi baro, oun i pesso yagakro dourho vell dran leskro nak. Pherdi rholi hi leskro rakepen. oun leskri čip hi har i yag hoy lauter pre rhačrell.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jesaja 42:8

Me hom o baro Devel, kova hi miro lab. Oun ko raylepen, hoy mange hi, dau me kek vavares, vitar gar dau i rhorhene deblen ko sharepen, hoy mange hi.

Amos 5:6

Te kamenn djido te ačell, palle rodenn o baro Debles. Te krenn kova gar, t'mer dran o kheer Yosef, vell yob pral Betel har i bari yag, hoy kek nay vin krella.

Nahum 1:2

O baro Devel hi i Devel, kay kamell, te mangenn i menshe kek vavar debles an har les kokres. Leskri rholi vell pral kolende, kay hadenn pen pral leste. Kolen, kay kamenn lestar či te djinell, dell yob i phagi. Oun bistrell gar, hoy yon ap leste kran.

Nahum 1:6

Koon nay ačell tardo glan leskri rholi? Koon nay ačell djido, te vell lo rhoyedo? Leskri rholi rhačell har i yag. Ninna i berge phagenn an kotya glan leste.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

4. Mose 25:11

“O Pinhas, koleskro dad o Elazar hi, oun koleskro papo o rashay Aron his, kova las miri rholi kol Israelendar krik. Yob his yaake rhoyedo har me homs, oun kras, te marom me gar i tsele Israelitaryen an miri rholi.

1. Korintarja 10:22

Ma rhoyrenn o Debles! Mer ham gar zorleder har yob.

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

5. Mose 32:16

O Debleskre menshe nashan vavar deblen palla, oun doukan pengro Debles. Ko djoungelo koova, hoy le kran, kras les rhoyedo.

5. Mose 5:9

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

5. Mose 6:15

Tiro baro Devel hi mank t'mende oun kamell te kamess les kokres. Te rikreh gar pash leste, vell leskri rholi pral toute, oun yob lell tout krik i phoubyatar.

5. Mose 9:3

Doleske djinenn kava dives, te djal t'maro baro Devel glan t'mende har i yag, hoy halauter pre rhačrell. Yob dell len, te hounte nashenn le penge t'mendar. Oun t'mer tradenn len vin oun denn len sik moulo. Yaake penas o baro Devel kova t'menge.

Hebrearja 12:29

Ma bistrenn, maro Devel hi yaake har i zoreli yag!