5. Mose 4:2 - O Debleskro Lab 2024 (Sinte-Manouche)

² Čivenn kek lab koy pashel, hoy me penom, te hounte krenn! Lenn ninna či kolestar krik, te rikrenn les gar. Rikrenn t'men ap i laba t'maro baro Deblestar, hoy me t'menge penau.

O Debleskro Drom 2021 (Sinte)

² Tchiwenn kek lab koi pashel, hoi me penom, te hunte krenn! Lenn ninna tchi kolestar krik, te rikrenn les gar. Rikrenn tumen ap i laba tumaro baro Deblestar, hoi me tumenge penau.

5. Mose 4:2 Iomraidhean Croise

Debleskri gili 78:7

yaake te rikrenn yon pengro tselo djiyeha ap o Debleste, oun bistrenn gar, hoy o Devel lauter kras, oun rikrenn lauter, hoy yob penas,

Gosewe laba 30:6

Čip kek lab pash kova pashel, hoy yob penas, te dell lo tout gar trad, oun hakeno dikell, kay hal i rhorheno.

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Jeremia 26:2

Kova hi, hoy me, o baro Devel, touke penau: Dja ap i glanstouni platsa glan miro baro kheer, oun rake ap kol tsele menshende, kay van dran i tsele forya dran o them Youda, te mangenn le man an. Pen lenge i tsele laba, hoy touke penom. Ma mouk čomone krik!

Mateo 5:18

Čačepah, me penau t'menge: Yaake rah har o bolepen oun i phoub ačenna, yaake rah vell či krik lino kol labendar, hoy o Mose oun kol Debleskre rakepangre penan. Vitar gar o tikneder lab vell krik lino yaake rah, bis te vell lauter čačo, hoy glan i rah tsiro penlo vas.

Mateo 5:43

T'mer djinenna, kay glan i rah tsiro i phourenge penlo vas: Ab lačes ap tire menshende! Ma ab lačes ap koleste, kay kras čilačo koova ap toute.

Galatarja 3:15

Mire phrala, kanna rakrau pral čomone, hoy t'mer lauter prindjrenna. Te krenn douy menshe čomone vin oun denn pengro dadeskro vast koy pre, nay penell kek: Kanna hi kova bouder či moldo. Vitar gar nay čivell yek čomone koy pashel.

5. Mose 1:3

An o star-deshto (40) bersh ap o ersto dives an o deesh-te-yekto čon penas o Mose ap i tsele Israelitarya halauter, hoy o baro Devel leske penas, te hounte krenn le.

5. Mose 13:1

Lauter, hoy t'menge penom, hounte krenn oun rikrenn. Čivenn koleske či pashel, oun lenn či lestar krik!

5. Mose 33:4

O Mose sikras mende o Debleskro drom. Kal čačepaskre laba hi o Israeleskro bravlepen.

5. Mose 4:14

An ko tsiro penas o baro Devel mange, te sikrap t'men, hoy lo t'mendar kamell oun leskre čačepaskre laba, te djivenn pal lende an ko them, an kova t'mer dren djan, te lenn les t'menge dren.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

5. Mose 5:29

Har kamoms, te ačans lengre djia hako tsiro yaake, te rikrenn le man glan pengre yaka, oun te denn le yak ap mire tsele laba! Palle djals lenge oun lengre čavenge mishto o tselo tsireske.

5. Mose 5:32

Kanna denn yak, te krenn halauter yaake, har t'maro baro Devel kova t'menge penas. Rikrenn leskre tsele laba. Čivenn kek lendar ap i rig.

Josua 1:7

Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.

Josua 8:35

Oun his kek lab, hoy moukas o Yosua gar vin te kharell kol tsele labendar, hoy o Mose penas. Oun i tsele Israelitarya, ninna i djouvya oun čave oun vi-themarya mank lende shounan kova.