5. Mose 4:19 - O Debleskro Lab 2024 (Sinte-Manouche)

¹⁹ Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

O Debleskro Drom 2021 (Sinte)

¹⁹ Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.

5. Mose 4:19 Iomraidhean Croise

1. Mose 1:14

Oun o Devel penas, te venn momlia an o bolepen, hoy sikrenna: Kanna hi dives, oun kanna hi rati. Kolla sikrenna ninna: Kanna vell niyal, kanna vell o vend. Kanna vell i baro dives, kanna i nevo bersh.

1. Mose 2:1

Yaake vas o bolepen oun i phoub kerdo, oun halauter, hoy koy hi.

2. Rajengro liil 17:16

Oun yon moukan kol tsele laba o baro Deblestar, kay lengro Devel hi, oun kran penge douy terne gourma oun i figura, hoy i debletsa Ashera sikras, oun mangan i tsele bolepangre momlia an oun ninna o debles Baal.

2. Rajengro liil 21:3

Yob čivas kol moulne platse pale pre, kay i moule deblenge firhe rhačedo van. Kol platse das leskro dad, o Hiskiya, khetne. Oun o Manasse moukas rhačepangre te krell, kay firhe rhačedo venn o debleske Baal, kay i rhorheno devel hi. Oun yob kras i debletsa Ashera, har ko baro ray pral o them Israel, o Ahab, kova ninna kras. Oun yob mangas i bolepangre momlia an oun vitsras pes glan lende tele.

2. Rajengro liil 23:11

Oun yob moukas i grayen krik te anell oun i vourdya te rhačrell, kolen i bare raya pral o them Youda koy anan, te mangenn le o kham an. Kol graya oun kol vourdya his tardo ap i platsa glan o baro Debleskro kheer, pash koy isema, kay djivas o pralstouno, o Natan-Melek.

2. Familjakro liil 33:3

Yob čivas kol moulne platse pale pre, kay i moule deblenge firhe rhačedo van. Kol platse das leskro dad, o Hiskiya, khetne. Oun o Manasse moukas rhačepangre te krell, kay firhe rhačedo venn o debleske Baal, kay i rhorheno devel hi. Oun yob kras figure, hoy sikran i debletsa Ashera. Oun yob mangas i bolepangre momlia an oun vitsras pes glan lende tele.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Debleskri gili 19:3

Yek dives penell les o vavareske oun yek rat i vavarake.

Jeremia 19:13

Oun kol khera an Yerusalem oun kol khera kol bare rayendar an o them Youda, kolla venn ninna pale-čiddo har koy platsa Tofet, – i tsele khera, kay yon pral pre i tsele bolepangre momelenge soungepaskro koova rhačran oun i vavar rhorhene deblenge mool vin čoran.

Jeremia 31:35

Kova penell o baro Devel, kay moukell o kham pre te djal, te vell dives, oun o čon oun o bolepangre momlia, te nay dikah mer an i rat. Yob krell o baro pani divyo, te djal lo pral oun tele. Leskro lab hi baro Devel, ray pral o bolepen oun i phoub.

Jeremia 33:25

Doleske penell o baro Devel: Yaake har krau me gar i tsirya vavarčandes, oun pal o dives i rati vella,

Jeremia 8:2

Oun kol kokale venn koy trouyel vitsedo glan o kham oun o čon oun i tsele bolepangre momlia, kolen kaman kol menshe, oun mangan len an, oun nashan lenge pal. Kolendar poučan yon oun sharan len. Kol kokale venn gar pre hadedo oun venn gar paskedo. Yon venn foul i phoubyake.

Ezekiel 18:6

kova rhal či ko massestar, hoy i rhorhene deblenge dino vas. Yob mangell gar i rhorhene deblen an, kolen i Israelitarya an-mangenn, oun djal gar i vavareskri romyah, oun sovell gar i djouvyah an ko tsiro, kay lat peskro koova hi.

Ezekiel 8:16

Oun yob anas man dren ap koy tikni platsa glan o baro Debleskro kheer. Oun glan o voudar o kherestar mashkral i glanstouni halla oun i sasterni rhačepaskri his 25 (biish-te-panč) morsha tardo. Kolla rissran pengre dume khatar o baro Debleskro kheer, oun dikan ap koy rig, kay o kham pre djal. Oun yon moukan pen ap i phoub te perell, oun mangan o kham an.

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Bičepangre 7:42

O Devel djas peske lendar oun moukas len. Koy mangan yon i momlia an o bolepen an. Yaake vas kova, hoy činlo hi an o liil, kay o Debleskre rakepangre činan. Kote penell o Devel: Morshale an Israel, mange rhačran t'mer kek firhen, oun anan kek rhapen glan mande an kol star-deesh bersha, har hans an o moulo them.

Remarja 1:25

Yon čivan o Debleskro čačepen ap i rig, oun patsan ap kova, hoy rhorhepen hi, oun sharan i menshen oun i firhen, oun mangan len an, har te vans le o Devel. Oun o baro Devel, kay lauter kras oun djipen das, koles sharan le gar, oun mangan les gar an. Oun yob hi kova, kay moldo hi, te vell lo sharedo hako tsiro. Amen.

5. Mose 13:10

Na-a, tou dess les moulo. Tou vess o ersto, kay lell i bar an peskro vast, te vitsress ap leste, oun pal toute i tsele vavar.

5. Mose 13:5

Leske djan palla! Rikrenn les t'menge glan i yaka pash halauter, hoy krenn! Lauter, hoy yob penas, krenn! Shounenn ap leste! Mangenn les an! Oun rikrenn t'men ap leste!

5. Mose 17:3

oun djal koy oun mangell vavar deblen an, oun vitsrell pes tele glan o kham, o čon oun i bolepangre momlia, oun krell yaake savo koova, kolestar me penom, te krenn kova gar,

5. Mose 4:18

i tikno firho, hoy djal pral i phoub, oder i mačo an o pani.