5. Mose 33:12 - O Debleskro Lab 2024 (Sinte-Manouche)

¹² Ap o kheer Benyamin penas lo: Tou hal kova, koles o baro Devel peskro tselo djiyeha kamell, oun peskre vasta pral leste rikrell! O tselo dives dell lo ap toute yak, oun djivell mashkral toute.

O Debleskro Drom 2021 (Sinte)

¹² Ap o kheer Benjamin penas lo: Tu hal kowa, koles o baro Dewel peskro tselo djijeha kamell, un peskre wasta pral leste rikrell! O tselo diwes dell lo ap tute jak, un djiwell mashkral tute.

5. Mose 33:12 Iomraidhean Croise

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Debleskri gili 91:4

Har i karhni peskre ternen tel leskre moussya khatrell, yaake khatrell o Devel tout tel leskre zorele moussya. Kote nay djal touke či. Yob rikrell tout yaake har lo penas. Doleske nay vell kek čilačepen ap toute.

Jesaja 51:16

Oun me čivom mire laba an tiro mouy, oun rikrau mire vasta pral toute. Me hom kova, kay krom o bolepen bourhles pral i phoub oun čivom i phoub pre. Oun me penau ap i menshende an o foro Sion: Mire menshe han t'mer!

Jesaja 37:35

Oun me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.

Jesaja 37:22

Kava hi ko lab, hoy o baro Devel ap leste penell: Dik, har o foro Sion pral toute sal! An leskre yaka či-moldo hal. Har i terni čay o Yerusalem hi, oun kamell te djinell toutar či.

2. Familjakro liil 11:1

Oun o Roboam vas an o foro Yerusalem pale oun moukas kol morshen i menshendar Youda oun Benyamin khetne te vell, kay nay kourenn pen. Kolla his 180.000 (sheel-te-orhta-deesh zerya) morsha. Kolentsa kamas lo an o kourepen i Israelentsa te djal, te anenn yon lengro them pale pale pash o Roboam.

1. Rajengro liil 12:21

Oun o Roboam vas an o foro Yerusalem pale oun moukas kol morshen i menshendar Youda oun Benyamin khetne te vell, kay nay kourenn pen. Kolla his 180.000 (sheel-te-orhta-deesh zerya) morsha. Kolentsa kamas lo an o kourepen i Israelentsa te djal, te anenn yon lengro them pale pale pash o Roboam, o Salomeskro čavo.

5. Mose 12:10

Te djan vergel o pani Yordan oun djivenn an ko them, hoy t'maro baro Devel t'men dell te venn kote khere, nay krell kek t'men kote čilačepen, oun kek rodell kourepen t'mentsa.

Debleskri gili 132:14

“Kaya hi i platsa, kay khere hom hako tsiro” penell lo. “Kate kamau te djivell.”

Čačepangre 1:21

An o foro Yerusalem djivan i Yebousarya. Oun i morsha dran o kheer Benyamin tradan len gar vin. Yaake ačan i Yebousarya pash i Benyaminarya an o foro Yerusalem, oun djivenn gomme kava dives koy khetne.

2. Mose 28:12

Palle kre kol douy barra ap i damdira pre, kote kay i phika hi. Yaake hidjrell o Aron i laba o Israeleskre čavendar ap peskre phika, te djal lo an o Debleskro kheer. Oun yon venn mange, o baro Debleske, an o shero, te vap lenge lačo.

5. Mose 4:37

Yob kamas t'mare phouren o tselo djiyestar, oun rodas lengre čaven vin oun kolengre čaven, oun halauter kay lendar venna. Oun yob djas t'mentsa, har anas lo t'men vin dran o them Egiptia peskri bari zoryah,

5. Mose 32:11

Yob his har i adlari, kay peskre ternen vin anell dran lengri nesta, oun pral lende djal. Te venn le khino, djal lo tel lende, krell peskre moussya bourhles pre, oun hidjrell len ap peskre moussya.

5. Mose 33:11

Baro Devel, kre len zorelo! Oun dik lačes ap kova, hoy le krenna! De kolen khetne, kay hadenn pen pral lende, oun djan rholyah ap lende pre! Mouk kolen bouder gar pre te stell!

Debleskri gili 60:5

Tou moukal tire menshen pharo koova te dikell. Tou dal men savi mool te piyell, te vam mato.

1. Samuel 10:20

Oun o Samuel moukas haki bari familya glan te vell, oun vitsras i kashta. Koy sikran i kashta ap i familya Benyamin.

2. Samuel 12:24

Oun o David penas kamle laba ap peskri romyate Batsheba. Oun yob djas pash late oun sovas lah. Oun yoy anas i čavo ap i phoub. Koles das lo ko lab Salomo. Oun o baro Devel kamas les,

2. Samuel 12:25

oun moukas peskro rakepaskro Natan o Davideske kova te penell. Doleske das o Natan les ko lab Yedidja. Kova kharell: O baro Devel kamell les.

Jeremia 12:7

Me moukom mire menshen, ko kheer Israel. Kolen, kay mange vin rodom, tradom mandar krik. Kol menshen, kay o djiyestar kamau, dom an i vasta kolendar, kay kamenn len te marell.