5. Mose 33:1 - O Debleskro Lab 2024 (Sinte-Manouche)

¹ Oun glan peskro merepen rakras o Debleskro morsh, o Mose, i Debleskri barht vin pral i Israelitarya, oun penas:

O Debleskro Drom 2021 (Sinte)

¹ Un glan peskro merepen rakras o Debleskro mursh, o Mose, i Debleskri bacht win pral i Israelitarja, un penas:

5. Mose 33:1 Iomraidhean Croise

1. Mose 27:4

Oun kre mange i lačo rhapen, yaake har me kova kamau. Oun an les mange, te rhap oun te rakrap nay glan miro merepen o Debleskri barht pral toute vin.”

1. Mose 49:1

Oun o Yakob das peskre čaven gole oun penas: Avenn khetne! Me penau t'menge, hoy t'menge djala an ko tsiro, kay vella.

1. Mose 49:28

Kolla lauter hi i deesh-te-douy bare familye, hoy venna o Israeleskre deesh-te-douy čavendar. Kol labentsa penas lenge lengro dad, har lenge djala an ko tsiro, kay vella. Hakeneske his les i vavar lab.

1. Rajengro liil 13:1

Koy vas i Debleskro morsh dran Youda, koles bičras o baro Devel an Betel. Yob vas koy, har his o Yerobeam pash koy rhačepaskri tardo oun rhačras soungepaskro koova.

1. Rajengro liil 13:6

Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

1. Familjakro liil 23:14

I čave o Mosestar, ko Debleskro morshestar, van pash o kheer Levi kharedo.

2. Familjakro liil 8:14

Oun yaake har peskro dad, o David penas, čivas o Salomo i rashayen yaake khetne, har hounte boudrenn le khetne. Ninna penas lo ap i Levitarya, havi boudi yon hounte krenn: Koy his save mank lende, kay givan, oun vavar van i rashayenge pash o vast, yaake har hounte his hako dives. Ninna i voudyengre morsha van yaake khetne anlo, har hounte denn le yak ap i voudya. Hako voudareske his save koy, kay dan yak ap leste. Yaake penas kova o David, ko Debleskro morsh.

Debleskri gili 90:1

O mangepen o Mosestar, ko Debleskro morshestar. Baro Devel, maro ray, tou hal kova, pash koleste nay vah oun khere ham.

Jeremia 35:4

oun anom len an o baro Debleskro kheer, an koy bari isema i čavendar o Debleskro morshestar, o Hanan, koleskro dad o Yigdalya his. Koy bari isema hi langs koy isema o pralstunendar oun pral koy isema o Maasseyestar, koleskro dad o Shalloum hi. O Maasseya his kova, kay das garda ap o voudar.

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

1. Timoteo 6:11

Tou hal i Debleskro morsh. Rike tout ko tselo koova pale! Kre lauter, te vess an o čačepen tardo, oun te djivess yaake, har o Devel kamella! Kre ninna lauter, te ačess an o patsepen, oun te kamess i menshen o tselo djiyestar! Te djal touke gar mishto, rike vin! Ab lačes ap i vavarende!

2. Timoteo 3:17

I mensho, kay kamell o Debleske koy te vell, hatsell an o Debleskro lab lauter, hoy les hounte vell, te nay krell lo lauter yaake, har o Devel kamella.

Josua 14:6

Har i Israelitarya pash Gilgal his, van i morsha dran o kheer Youda pash o Yosua. Oun o Kaleb, koleskro dad o Yefunne his, dran o kheer Kenas, penas ap leste: “Tou djineh, hoy o baro Devel ap o Debleskro morsheste, o Moseste, penas, har hams an o foro Kadesh-Barnea, har troul toute oun mande djas.

2. Petro 1:21

An kek tsiro vas o Debleskro lab i menshendar. Kol Debleskre rakepangre rakran, hoy o Devel lenge penas. Kova čivas lenge o Debleskro Dourho an o dji.

Čačepangre 13:6

Oun koy djouvel djas pash peskro romeste oun penas ap leste: “I Debleskro morsh vas pash mande. Oun yob dikas vin har i bolepaskro o Deblestar, yaake te lom daar. Oun doleske poučom me lestar vitar gar, kay yob vella. Oun yob penas mange gar, har yob kharella.

1. Samuel 2:27

Oun i Debleskro morsh djas pash o Eli oun penas leske: Kava penell o baro Devel: Tou djineh mishto, har krom man prindjedo pash tire phourende, pash o kheer Aron, har i Israelitarya an o them Egiptia his oun hounte boudran o Faraeske.