5. Mose 32:21 - O Debleskro Lab 2024 (Sinte-Manouche)

²¹ Yon doukan oun rhoyran man, har mangan le kolen an, kay kek debla hi. Yaake kamau me les ninna lentsa te krell, oun lau mange vavar menshen, te zilverenn le oun rhoyrenn pen pral menshende, kay prindjran man gar.

O Debleskro Drom 2021 (Sinte)

²¹ Jon dukan un choiran man, har mangan le kolen an, kai kek debla hi. Jaake kamau me les ninna lentsa te krell, un lau mange wawar menshen, te silwerenn le un choirenn pen pral menshende, kai prindjran man gar.

5. Mose 32:21 Iomraidhean Croise

1. Rajengro liil 14:22

Oun i menshe an o them Youda kran, hoy djoungeles his glan o baro Debleskre yaka. Oun yon kran boudeder čilačo koova har lengre phoure kran, oun koleha rhoyran le les boudeder har yon.

1. Rajengro liil 14:9

Djungleder koova kral tou har halauter, kay glan toute his: tou kral touke vavar debla, figure dran lolo saster. Kova kral, te rhoyress man, oun sikral man o doumo.

1. Rajengro liil 16:13

Kova his koy phagi koleske, hoy kran o Baasha oun leskro čavo, o Ela, har anan yon i Israelitaryen o baro Debleskro dromestar tele, te mangan le i moule deblen an. Oun yaake rhoyran le o baro Debles, kay o Israeleskro Devel hi.

1. Rajengro liil 16:26

Oun yob djas ap o čilačo drom, kay o Yerobeam ninna djas, koleskro dad o Nebat his. Oun har o Yerobeam djas lo o baro Debleskro dromestar tele, oun anas ninna i Israelitaryen o baro Debleskro dromestar tele, te mangan le vavar deblen an. Oun yaake rhoyran le o baro Debles, kay o Israeleskro Devel hi.

2. Rajengro liil 17:11

Oun ap kol moulne platse rhačran le firhen kol rhorhene deblenge yaake har kol menshe kran, kolen o baro Devel glan lende vin tradas. Oun yon kran čilačo koova oun rhoyran o baro Debles.

2. Rajengro liil 17:15

Oun yon rikran gar leskre laba. Oun ko lab, hoy das lo lengre phourende, kay lo penas, te hi lo lengro Devel oun yon leskre menshe, ko lab his lenge či moldo. Yon moukan pen gar lestar trad te dell, oun nashan kol deblen palla, hoy či molenna. Oun yaake djivan le čičeske. Yon kran savo koova har kol menshe an i themma troul lende, kolendar o baro Devel lenge penas, te krenn le gar har yon krenna.

2. Rajengro liil 21:6

Oun yob moukas peskro čaves an i yag te djal oun shounas ap čirklengre golya oun vavar sikepen, oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

2. Rajengro liil 22:17

I menshe an Yerusalem moukan man oun anan vavar aseblenge firhen, te rhoyrenn le man halautereha, hoy le pengre vastentsa kran; doleske vell miri rholi har i yag ap kava foro, oun kek nay krell les vin.”

Debleskri gili 31:6

Me dau man an tire vasta. Tou leh man dran i čilače vasta vin, baro Devel. Tou hal i Devel, kay rikrell peskro lab.

Debleskri gili 78:58

Yon mangan i vavarengre deblen an. Oun rhoyran o Debles, har kran le penge rhorhene deblen.

Jesaja 65:3

Kol menshe moukenn gar tele, te krenn le kova, hoy man rhoyrell: Yon anenn firhen i vavar deblenge ap lengre shoukar platse, oun rhačrenn lenge soungepaskro koova ap barra.

Jeremia 10:8

Lauter hi yon dinelo oun narvelo, kolla, kay mangenn o kasht an. Kol debla nay sikrenn lende či.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Jeremia 18:15

har mire menshe man bistran. Yon anenn firhen oun soungepaskro koova kol deblenge, kay kek hi. Kolla anan len o phoureder drom tele, oun moukenn len ap i djoungele dromma te djal.

Jeremia 2:11

Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

Jeremia 5:7

Hoske bistrap i doosh mire menshendar? Yon djan mandar krik, oun denn pen sovel pash koleste, kay kek devel hi. Har me len čalo krom, phagan le mantsa, oun djan an i loubyengro kheer.

Jeremia 7:18

Kol čave rodenn kasht, kol dada krenn yag, i djouvya krenn merklia koy bolepaskri rayetsake. Oun kol vavar deblenge anenn yon pipaske, te rhoyrap me man koy pral.

Jeremia 8:19

Dran o tselo them shounau me, har denn mire menshe gole. Kamell o baro Devel bouder gar o Devel an Sion te vell? Hi o fores Sion bouder kek baro ray? Hoske kran yon man yaake rhoyedo [penell o baro Devel], har mangan le pengre figuren oun rhorhene deblen an, kay kekeske ap i rig venna?

Ezekiel 8:3

Oun yob čivas čomone har i vast pal mande vin, oun tapras man ap mire balla ap o shero. Oun an ko dikepen, hoy dikom, oun hoy vas o Deblestar, hadas man o dourho pre dour pral i phoub, oun anas man an o foro Yerusalem pash o baro voudar, hoy hi ap i nordetikri rig, glan koy platsa, hoy djal troul o Debleskro kheer. Kote his i figura tardo, hoy i menshe an-mangan, oun pral kolate o baro Devel bares rhoyedo his.

Jona 2:8

Har kamas miro djipen an mande tele te merell, val tou baro Devel mange an o shero, pash toute vas miro mangepen, an tiro kheer, kay tou khere hal.

Bičepangre 11:15

Har me, o Petro, lentsa rakrom, peras o Debleskro Dourho ap lende. Kova his yaake har pash mende an o foro Yerusalem, har o Debleskro Dourho ap mende peras.

Bičepangre 14:15

“Morshale, hoy krenn t'mer kote? Mer ham menshe har t'mer, oun penah t'menge o lačo lab o djido Deblestar. Yob kamell, te venn t'mer ap leskro drom, oun mangenn bouder gar kol rhorhene deblen dran kasht oun bar an. Yob hi ko Devel, kay kras o bolepen oun i phoub, oun o baro pani, oun lauter, hoy djivella.

Remarja 10:19

Poučau t'mendar: I Israelitarya, hayvan le ko lab gar? Ava! Yon hayvan ko lab. O Mose penell menge, hoy o Devel penas: Me krau, te zilverenn t'mer ap kolende, kay hi gar mire menshe. Oun t'mer venn rhoyedo pral kolende, kay či mandar djinenna.

Remarja 9:25

O Debleskro rakepaskro, o Hosea, penas, hoy o Devel leste sikras: Kolla, kay hi kanna gar mire menshendar, kolen rodau me vin, te venn le mire menshe. Oun kolen, kay kek kamas, kolen kamau me o tselo djiyestar.

1. Korintarja 10:22

Ma rhoyrenn o Debles! Mer ham gar zorleder har yob.

5. Mose 32:16

O Debleskre menshe nashan vavar deblen palla, oun doukan pengro Debles. Ko djoungelo koova, hoy le kran, kras les rhoyedo.

5. Mose 32:17

Yon anan firhen save deblenge, kay kek debla hi. Kolen prindjran yon glan kova gar. Kolla van neves pre. I phoure mangan len gar an.

1. Samuel 12:21

Ma nashenn kol rhorhene deblenge palla, hoy či molenna, oun hoy t'men gar vin nay lenna dran o merepen. Yon hi či.