5. Mose 32:13 - O Debleskro Lab 2024 (Sinte-Manouche)

¹³ Yob moukas len o ray te vell pral o pralstouno them. Oun yon nay rhan o djob ap i harhetikri phoub. Gvin moukas lo len te hatsell mank i bare barra, oun djet te lell i roukendar, hoy ap barrengri phoub bares van.

O Debleskro Drom 2021 (Sinte)

¹³ Job mukas len o rai te well pral o pralstuno them. Un jon nai chan o djob ap i hachetikri phub. Gwin mukas lo len te hatsell mank i bare barra, un djet te lell i rukendar, hoi ap barrengri phub bares wan.

5. Mose 32:13 Iomraidhean Croise

2. Samuel 22:34

Yob krell mire herya yaake sik, har te vans le i herya i vesheskri groumyatar, te vap zoreles tardo ap i pralstoune berge.

Hiob 20:17

Yob dikell bouder či o bravlepastar an kava them, ko boud gvin oun thoud, hoy har lengste panya nashenn.

Hiob 29:6

har dan mire groumya oun bouzya boudeder har doha thoud, oun mire djeteskre rouka yaake boud djet dan, te nashas lo har pani vin dran o bar, kay van i djeteskre drake tiknes kerdo!

Debleskri gili 18:33

Yob hi kova, kay dell man zoor oun krell i lačo drom glan mande.

Debleskri gili 81:16

Kolla, kay pen ap o baro Debleste rhoyrenn, hounte vitsrens pen tele glan leste. Lengri phagi ačals hako tsireske.

Jesaja 48:21

O baro Devel anas len ap o drom an o moulo them, oun yon troushan gar. Dran i baro bar moukas lo lenge pani te vell. Yob phagas ko bar an douy kotya, oun moukas dran leste pani te nashell.

Jesaja 58:14

palle hatseh čači barht an o baro Debleste. Oun me, o baro Devel, hadau tout pral i pralstoune berge. Oun dau tout ko them, hoy dom tiro phouro dadeste, o Yakobeste. Kava hi, hoy o baro Devel penas.

Ezekiel 16:13

Oun yaake val tou shoukar kerdo o sonakayeha oun roupeha. Oun tire koola his dran kouč layntikro than oun dran phar. Oun tout his rayle ripya kerdo an shoukar soubyakri boudi. Oun tou rhal o rhapen dran lačo yarro, gvin oun djet. Oun tou hals i shoukapen oun val i rayetsa.

Ezekiel 21:17

De gole oun rob, tou mensho! Mire menshe hi, kolen o rharo marell. I pralstunen an Israel dell miro rharo moulo, oun lentsa khetne mire tsele menshen! Doleske de ap tiro beč o ropastar!

Ezekiel 36:2

Kava penell o baro Devel, maro ray: Kolla, kay rhoyedo pral t'mende hi, san pral t'mende oun penenn: Haha! Kal berge, kay his hako tsiro koy, van kanna menge!

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

5. Mose 28:47

T'maro baro Devel das t'men boud lačo koova, ava, boudeder har doha lauterestar. Oun t'mer hans gar leske koy i barhtelo djiyeha.

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.

5. Mose 8:15

Yob sikras t'men o drom an ko baro moulo tato them, kay t'men daar his, an koleste čilače sapa oun skorpione hi. Kote, kay o kham lauter pre rhačras, oun kek pani dell, moukas lo t'menge pani dran i baro zorelo bar te nashell,

5. Mose 8:8

An kava them vell gib oun djob bares, ninna drake, fayge, granatikre phabya. Djeteskre rouka oun gvin dell kote ninna.