5. Mose 30:9 - O Debleskro Lab 2024 (Sinte-Manouche)

⁹ T'maro baro Devel dell t'men barht an halauter, hoy t'mer krenn; t'mer lenn boud čave, boud firhe oun boud djob ap t'mari harhetikri phoub, te djal t'menge lačeder har mishto. Leske hi shoukar te krell lo t'menge lačepen, yaake har leske shoukar his, te kras lo lačepen ap t'mare phourende.

O Debleskro Drom 2021 (Sinte)

⁹ Tumaro baro Dewel dell tumen bacht an halauter, hoi tumer krenn; tumer lenn bud tchawe, bud vieche un bud djob ap tumari hachetikri phub, te djal tumenge latcheder har mishto. Leske hi shukar te krell lo tumenge latchepen, jaake har leske shukar his, te kras lo latchepen ap tumare phurende.

5. Mose 30:9 Iomraidhean Croise

Jesaja 62:4

Tou veh gar bouder kharedo mouklo foro oun tiro them moulo them. Tou veh gole dino o Debleskri pirni, oun tiro them barhteli romni. O baro Devel dikell lačes ap toute, oun romedinerell pes tiro themeha.

Jesaja 62:5

Yaake har i terno morsh peske i terni čay lell, yaake lenn tire menshe o them Youda penge. Oun yaake barhtelo ko biyabeskro hi pral i terni čay, kolah yob biyab krell, yaake barhtelo hi tiro Devel pral toute.

Jesaja 65:19

Me ninna, vau barhtelo pral Yerusalem, oun miro dji givell pral mire menshende. Ropen vell kote bouder gar shounlo, vitar gar dell yek gole i daryatar.

Jeremia 31:27

Dik, ko tsiro vell, penell o baro Devel, kay dau o khereske Israel oun o khereske Youda pale boud menshen oun firhen.

Jeremia 31:28

Yaake har garda dom, te van le vin tserdedo oun khetne phagedo, paash kerdo, oun tele dino oun doukedo, yaake dau palle garda, te venn le pale bares oun zoreles, penell o baro Devel.

Jeremia 32:41

Miro dji sala, te nay krau lenge lačepen. Oun me moukau len zoreles an kava them vell, oun yon hounte moukenn les bouder gar. Čačepah, kova krau miro tselo djiyeha oun miri tseli zoryah.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

3. Mose 26:4

palle moukau me brishin te dell an ko tsiro, kay hounte vell. Oun o them moukell t'menge lauter bares te vell, oun i rouka hidjrenn pengre roukengre.

3. Mose 26:6

T'mer nay djivenn an o lačepen kolentsa, kay troul t'mende djivenn, te nay sovenna, oun kek tserdell t'men dran o sopen. Kol divye firhen tradau me dran o them vin. Kek lourde venna an t'maro them, te marenn le t'men.

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

Louka 15:32

Mer hounte vas barhtelo. Tiro phraal his moulo oun vas djido. Yob his nashedo oun hatsas pale khere.

Johanni 15:11

Kova penom me t'menge, te vell miri barht an t'mende yaake baro, har djal gar bareder.

5. Mose 28:4

Yob dell t'men boud čave, boud djob, boud groumya oun bakre oun bouzya.

5. Mose 28:63

Oun yaake har o baro Debleske shoukar his, te krell lo t'menge lačepen, oun te krell lo t'mendar boud menshe, yaake vell leske palle shoukar, te krell lo t'menge čilačepen, bis te ačenn gar boud t'mendar pral. Oun dran ko them, kay kanna dren djan, te lenn les t'menge dren, venn t'mer palle vin tserdedo.

5. Mose 30:8

Oun t'mer djan pale ap o baro Debleskro drom oun shounenn ap leste oun rikrenn t'men ap kol tsele laba, hoy t'menge kava dives penom.

5. Mose 7:14

Kek vavar menshe an i tsele themma lenn yaake boud barht. Kek hi mank t'mende, vitar gar mank t'mare firhende, kay nay lell kek ternepen.