5. Mose 30:6 - O Debleskro Lab 2024 (Sinte-Manouche)

⁶ T'maro baro Devel dell t'men djia, hoy shounenn oun krenn, hoy lo t'mendar kamell. T'men oun kolen, kay t'mendar venna, dell lo save djia, yaake te kamenn t'mer t'maro baro Debles o tselo djiyestar oun t'mari tseli zoryah. Oun t'mer ačenn djido.

O Debleskro Drom 2021 (Sinte)

⁶ Tumaro baro Dewel dell tumen djia, hoi shunenn un krenn, hoi lo tumendar kamell. Tumen un kolen, kai tumendar wenna, dell lo sawe djia, jaake te kamenn tumer tumaro baro Debles o tselo djijestar un tumari tseli sorjah. Un tumer atchenn djido.

5. Mose 30:6 Iomraidhean Croise

2. Mose 20:6

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har i seri familye yek pal i vavar djivenn.

Jeremia 24:7

Me dau len djia, kay prindjrenn man, te djinenn le, me hom o baro Devel. Yon te venn mire menshe, oun me hom lengro Devel; pengro tselo djiyestar venn le pale pash mande.

Jeremia 32:39

Me krau, te vell len yek dji oun yek djipen, te kamenn le ap mande te shounell pengro tselo djipen. Palle djal lenge mishto, ninna lengre čavenge pal lende.

Jeremia 4:4

Rikrenn t'men ap i laba, hoy t'mentsa vin krom! Oun krenn t'mare djia mange pre, t'mer menshe an Youda oun Yerusalem. Te krenn kova gar, vell miri rholi pral t'mende har yag, oun rhačella yaake, te nay krell kek koy yag vin.

3. Mose 18:5

Doleske krenn, hoy me t'mendar kamau, oun djivenn pal miro čačepen. I mensho, kay rikrell pes ap kova, koles hi čačepah o djipen. Me hom o baro Devel.

Mateo 22:37

Penas o Yezous ap leste: “Tou kamess tiro Debles o tselo djiyestar an tiro tselo djipen, an lauter, hoy tou djineh.

Remarja 11:26

Pal kova venn i tsele bibolde ninna ap o Yezouseskro drom. An o Debleskro lab hi činlo: Dran o foro Sion vell kova, kay lell o tselo čilačepen o Yakobeskre čavendar krik.

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

2. Korintarja 5:17

Kanna djinah: Koon o Yezous Kristeha djivella, kova hi i nevo mensho, oun djivell bouder gar peskro phouro djipen. I nevo koova vas an leskro djipen.

5. Mose 10:16

Doleske shounenn kanna ap o baro Debleste, oun djan gar bouder pal t'maro shero!

5. Mose 11:1

O Mose penas doureder ap i Israelitaryen: T'mer hounte kamenn t'maro baro Debles o tselo djiyestar! Krenn lauter, hoy lo t'mendar kamell. Rikrenn t'men ap leskre čačepaskre laba, oun djivenn pal leskre laba yaake rah har djivenn.

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

Kolossarja 2:11

Har moukan t'maro phouro djipen pal t'mende, van t'mer o Debleskre menshe. I bibolde van činlo i vastentsa ap pengro mass. T'mer van gar činlo i vastentsa. Na-a! T'mer lan i nevo dji, hoy das t'men o Yezous Kristo.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Johanni 4:7

Lače phrala oun phenya, o djiyeskro kamlepen vella o Deblestar. Doleske hounte vell men i dji mare phralenge oun phenyenge an o patsepen. Kolen, kay hi i dji i vavarenge, kolla hi o Debleskre čave, oun prindjrenn o Debles.