5. Mose 30:3 - O Debleskro Lab 2024 (Sinte-Manouche)

³ palle krell t'maro baro Devel peskro dji t'menge pre oun lell t'men dran o pandepen vin. Oun yob anell t'men pale khetne oun pale pale dran i tsele themma, kay lo t'men tradas.

O Debleskro Drom 2021 (Sinte)

³ palle krell tumaro baro Dewel peskro dji tumenge pre un lell tumen dran o pandepen win. Un job anell tumen pale khetne un pale pale dran i tsele themma, kai lo tumen tradas.

5. Mose 30:3 Iomraidhean Croise

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

1. Mose 48:21

Oun o Israel penas ap o Yosefeste: “Me merau. O Devel hi pash t'mende oun anell t'men pale an t'maro dadengro them.

1. Familjakro liil 16:35

Penenn: Maro Devel, ab ap mari rig! tou hal kova, kay lell men vin dran o čilačepen. Doleske le men vin dran i vasta kol vavar menshendar! An men pale lauter khetne, te sharas tout oun parkras men pash toute, kay kokres o čačo Devel hal.

Nehemia 1:9

Te rissrenn t'mer pale trouyel pash mande, oun rikrenn mire laba oun djivenn pal lende, palle anau t'men pale ap koy platsa, hoy vin rodom, te vap kote prindjedo. Kova krau me, ninna te vans t'mer krik tradedo bis an o palstouno kotar ap i phoub.

Hiob 42:10

Oun har o Hiob peskre malenge mangas, las o baro Devel koy bibarht o Hiobestar krik, oun kras les pale bravelo, oun das les douy kope yaake boud, har les his.

Debleskri gili 107:3

Yob anas len khetne dran boud themma, kotar, kay o kham pre-djala, kotar, kay o kham tele djal, kotar, kay o kham gar vell, oun kotar, kay o kham pralstounes tardo hi.

Debleskri gili 147:2

O baro Devel čivella Yerusalem pale pre, oun lauteren, kay krik tradedo van, anell yob pale khetne.

Jesaja 27:12

I tsiro vella, kay lell o baro Devel peskre menshen khetne dran o tselo them mank o pani Eufrat oun o them Egiptia. Yob rodell len vin har yek o tikno djob vin rodell dran o phouss, yek pal o vavar.

Jesaja 43:5

Ma dare! Me hom touha! Me anau kolen, kay toutar hi, khere dran i themma, kay kote hi, kay o kham pre djal, oun kay o kham tele djal.

Jesaja 54:7

I tikno tsireske moukom tout. Kanna krau miro dji bares pre touke oun lau tout pale pash mande.

Jesaja 56:8

O baro Devel, maro ray, kova kay anas i krik-tradede Israelitaryen pale an lengro them, penell: Me anau gomme boudeder khetne pash kolende, kay khetne anlo van.

Jeremia 12:14

O baro Devel penella: Kol čilače menshe, kay djivenn troul mire menshende, oun tapran lengro them an, hoy dom mire menshende Israel, te vell ko them lengro hako tsireske, kolen lauter tradau dran lengro them vin. Oun o kheer Youda lau dran lengre vasta vin.

Jeremia 23:3

Oun me lau khetne kolen, kay djido ačan mire menshendar dran i tsele themma, kay tradom len. Me anau len pale khere. Kote djal lenge mishto, oun yon venn pale boud menshe.

Jeremia 29:14

palle moukau man t'mendar te hatsell, penell o baro Devel. Oun me lau t'men dran t'maro pandepen vin, oun anau t'men khetne dran i tsele menshende oun themma, kay tradom t'men, penell o baro Devel. Oun me anau t'men pale an kava them, kay moukom t'men krik te anell.

Jeremia 31:10

Shounenn, t'mer menshe dran vavar themma, hoy o baro Devel penell! Djan pral o baro pani pash i panyeskre themma, oun rakrenn kote leskre laba! Penenn: Kova, kay tradas o Israel an boud themma, kova lell len pale khetne oun dell garda ap lende har i bakrengro ap peskre bakre garda dell.

Ropaskre gilja 3:22

O baro Debleskro lačepen herell gar pre, leskro kamlepen hi hako tsiro menge koy.

Ropaskre gilja 3:32

Ninna te doukell lo yekes, vell lo leske pale kamles. Yaake baro hi leskro lačepen.

Ezekiel 11:17

Me, o baro Devel, lengro ray, lau len khetne dran kol tsele themma oun natsyone, an kolende yon tradedo van, oun dau len o them Israel pale.

Ezekiel 36:24

Me lau t'men vin dran i tsele themma oun vavar menshendar. Oun lau t'men khetne oun anau t'men an t'maro them.

Ezekiel 39:28

Palle dikenn oun hayvenn i Israelitarya, te hom me, o baro Devel, lengro Devel, kova kay anas len an o pandepen an vavar themma, oun moukell len palpale te vell an lengro them. Kek lendar ačell kote pale.

Micha 7:19

Ava, tou kreh tiro dji pale menge pre oun stakreh mari doosh tel tire pire. O tselo čilačepen, hoy kram, vitsreh tou dour an o baro pani.

Zakarie 10:9

Me tradom len mank i menshende an dour themma, te vap lenge kote an o shero, te nay djivenn le, yon oun lengre čave, oun pale khere venna.

Remarja 11:23

Kol bibolde, kay venn pale ap o Debleskro drom, oun patsenn ap o Yezous Kristeste, hi har kashta, kay čivell o Devel pale dren an ko djeteskro rouk. O Devel hayvell te krell kova.

Remarja 11:26

Pal kova venn i tsele bibolde ninna ap o Yezouseskro drom. An o Debleskro lab hi činlo: Dran o foro Sion vell kova, kay lell o tselo čilačepen o Yakobeskre čavendar krik.

Remarja 11:31

Kanna shounenn i bibolde gar ap o Debleste. Oun yaake, har o Debleskro kamlepen ap t'mende vas, yaake vell o Debleskro kamlepen ninna ap lende.

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

5. Mose 4:27

O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.