5. Mose 3:4 - O Debleskro Lab 2024 (Sinte-Manouche)

⁴ An ko tsiro lam ko tselo kotar them Argob dren an o them Bashan, pral kova o Og o ray his, oun leskre tsele forya. Das kek foro lestar, hoy mer gar dren lam. Kolla his 60 (shob-deesh) forya.

O Debleskro Drom 2021 (Sinte)

⁴ An ko tsiro lam ko tselo kotar them Argob dren an o them Bashan, pral kowa o Og o rai his, un leskre tsele forja. Das kek foro lestar, hoi mer gar dren lam. Kolla his 60 (shob-deesh) forja.

5. Mose 3:4 Iomraidhean Croise

1. Rajengro liil 4:13

O Ben-Geber his o pralstouno pral o foro Ramot an o them Gilead, ninna pral kol gaba, kay hi kharedo pal ko morsheste, o Yayr, koleskro dad o Manasse hi, ninna pral ko them Argob, hoy hi an Bashan čiddo. Kote his shob-deesh bare forya, kolen his massurya troul pende oun voudya, hoy sasteha pandlo van.

4. Mose 21:35

Oun i Israelitarya dan o baro rayes Og oun leskre čaven oun leskre tsele lourden, – kek lendar ačas pral. Oun yon lan lengro them penge.

5. Mose 3:13

Oun ko vavar paash o themestar Gilead oun o tselo them Bashan, kay o Og o ray his, kova dom i paash familyake Manasse. Kova his o tselo kotar them Argob. [Kava tselo them Bashan vell kharedo o them foun i rise.

5. Mose 3:14

O Yayr dran i familya Manasse las ko tselo kotar them Argob bis pash o them, kay i Geshourarya oun i Maakatarya djivenn. O Yayr kharas kol gaba an o them Bashan pal peskro lab o Yayreskre gaba. Oun yaake kharenn le gomme kava dives.]

5. Mose 3:3

Oun o baro Devel das ninna o Og, ko baro rayes pral Bashan peskre tsele lourdentsa an mare vasta. Oun mer dam len yaake rah bis te kek lendar bouder pral ačas.

5. Mose 3:5

Hako foro his i zorelo foro, koles bare massurya troul peste his. An lende his bare voudya, hoy sasterentsa pandlo van. Ninna his kote boud gaba, kolen kek massurya his.

5. Mose 4:47

Oun yon lan leskro them penge dren, ninna o them, kay o Og o ray his pral o them Bashan. O Sihon oun o Og, kol douy his i raya pral i Amorarya ap kay rig o panyestar Yordan, kay o kham pre djala.

Josua 12:4

Ko vavar baro ray his o Og, ko ray pral o them Bashan. Yob djivas an o foro Astarot oun an o foro Edrei, oun his yek, kay kol bare menshendar pral ačan, kay venn rise kharedo.