5. Mose 3:18 - O Debleskro Lab 2024 (Sinte-Manouche)

¹⁸ An ko tsiro penom i morshenge dran kol familya Ruben, Gad oun Manasse: “T'maro baro Devel das t'men kava them, te lenn les t'menge dren. Kanna lenn t'maro kourepaskro koova oun djan t'mare phralenge, kol vavar Israelenge glan vin.

O Debleskro Drom 2021 (Sinte)

¹⁸ An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 3:18 Iomraidhean Croise

1. Mose 15:7

Oun o baro Devel penas ap leste: “Me hom o baro Devel, kay anom tout dran o foro Our, hoy an o them Kaldea hi. Kava them, kay tou kanna hal, dau tout, te vell kova tiro them.”

Debleskri gili 136:21

Oun das lengro them peskre menshende. Leskro lačepen ačella hako tsireske!

4. Mose 33:53

Oun lenn ko them t'menge, oun djivenn kote dren. Kava them dom me t'mende, te lenn kova t'menge.

5. Mose 12:1

Kanna penau t'menge, hoy o Devel t'mendar kamella oun leskre čačepaskre laba, hoy hounte rikrenn an ko them, hoy dell t'men o baro Devel, kay ninna o Devel t'mare phourendar his, te lenn les t'menge dren. Denn yak ap kal laba, oun rikrenn t'men ap lende yaake rah har djivenn.

5. Mose 15:4

Te shounenn t'mer ap t'maro baro Debleste oun djivenn pal kol tsele laba, hoy me t'menge kava dives penau, palle vell kek čorvelo mank t'mende. T'maro baro Devel čivell peskri barht ap t'mende an ko them, hoy yob t'men dell.

5. Mose 19:14

An ko tsiro, kay djivenn an ko them, hoy t'maro baro Devel t'men dell, te lenn les t'menge dren, palle hounte čivess gar kol barra ap i rig, hoy sikrenn har baro hi ko kotar them kolestar, kay langs toute djivell. Kolla his tire phoure, kay čivan kol barra koy.

5. Mose 19:7

Doleske penau me t'menge, te rodenn triin forya vin.

5. Mose 21:1

Te vell i moulo mensho vin glan o foro čiddo hatslo an o them, hoy t'maro baro Devel t'men dell, te lenn t'mer les dren, oun kek djinell, koon les moulo das,

5. Mose 25:19

Ap ko tsiro, kay lan t'mer ko them dren, hoy t'maro baro Devel t'men dell, oun t'mer bouder gar an o kourepen han kolentsa, kay troul t'mende djivenn, palle denn kol tsele Amalekaryen moulo, yaake te ačell či lendar pral, hoy sikrell, te his i tsiro, kay djivan le. Oun kova bistrenn gar!

5. Mose 5:31

Tou, ač kay pash mande! Oun me penau touke o tselo lab, halauter hoy t'mendar kamau, oun mire tsele čačepaskre laba. Kolla lauter peness lenge, te djivenn le pal lende an ko them, hoy me dau lende, te lenn le les lenge dren.”

5. Mose 6:1

Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

5. Mose 9:6

Yaake djinenn kanna, hi gar dran t'maro čačo djipen, te dell t'men t'maro baro Devel kava lačo them, te lenn les t'menge dren. T'mer han menshe i djiyentsa har bar.

Josua 1:11

“Djan mashkral i plarhtene khera oun penenn i menshenge: Lenn rhapen oun pipen pash t'mende o dromeske! An triin divessa djan t'mer pral o pani Yordan an ko them dren, hoy dell t'men o baro Devel, kay t'maro Devel hi, te vell ko them t'maro!”