5. Mose 3:14 - O Debleskro Lab 2024 (Sinte-Manouche)

¹⁴ O Yayr dran i familya Manasse las ko tselo kotar them Argob bis pash o them, kay i Geshourarya oun i Maakatarya djivenn. O Yayr kharas kol gaba an o them Bashan pal peskro lab o Yayreskre gaba. Oun yaake kharenn le gomme kava dives.]

O Debleskro Drom 2021 (Sinte)

¹⁴ O Jair dran i familja Manasse las ko tselo kotar them Argob bis pash o them, kai i Geshurarja un i Maachatarja djiwenn. O Jair kharas kol gaba an o them Bashan pal peskro lab ‘o Jaireskre gaba’. Un jaake kharenn le gomme kau diwes.]

5. Mose 3:14 Iomraidhean Croise

2. Samuel 10:6

Har kol Ammonarya dikan, kay kran le o Davides moulo rhoyedo, ginan le lourden dran vavar themma: 20.000 (biish-zerya) Syrarya dran o foro Bet-Rehob oun dran o foro Soba, 1.000 (yek zero) lourde o baro rayestar pral o them Maaka, 12.000 (deesh-te-douy-zerya) lourde dran o them Tob.

2. Samuel 13:37

O Absalom nashas peske, oun djas pash o Talmay, koleskro dad o Ammihoud hi, ko baro ray pral o foro Geshour. O Davideskro dji rovas pral leskro čaveste hako tsiro.

2. Samuel 14:23

Yaake kras pes o Yoab ap o drom, oun djas an o foro Geshour, oun anas o Absalomes pale an o foro Yerusalem.

2. Samuel 20:26

Ninna o Ira i menshendar Yayr his o Davideskro rashay.

2. Samuel 23:34

o Elifelet, koleskro dad o Ahasbay hi, dran Maaka, o Eliam, koleskro dad o Ahitofel hi, dran Gilo,

2. Samuel 3:3

Ko douyto his o Kilab. Leskri day his i Abigayil, kolakro rom, o Nabal dran Karmel, meras. Ko triinto his o Absalom. Leskri day his i Maaka, koy čay o baro rayestar pral o them Geshour. Leskro lab his Talmay.

Debleskri gili 49:11

Na-a, mer dikah: O gosevo hounte merell, yaake har o narvelo oun o dinelo ninna. Oun lauter, hoy len his, hounte moukenn le pale i vavarenge.

Jeremia 40:8

Kal pralstoune lourde his: O Ismael, koleskro dad o Netanya his, o Yohanan oun o Yonatan, kolengro dad o Karea hi, oun o Seraya, koleskro dad o Tanhoumet his, oun i morsh čave o morshestar Efay dran Netofa, oun o Yazania dran Maaka. Yon lauter oun lengre lourde van pash o Gedalya. Kova his an o foro Mispa.

4. Mose 32:41

O Yayr, koleskro dad o Manasse his, djas koy, oun las gaba peske dren oun das len ko lab Yayreskre gaba.

5. Mose 3:13

Oun ko vavar paash o themestar Gilead oun o tselo them Bashan, kay o Og o ray his, kova dom i paash familyake Manasse. Kova his o tselo kotar them Argob. [Kava tselo them Bashan vell kharedo o them foun i rise.

5. Mose 3:4

An ko tsiro lam ko tselo kotar them Argob dren an o them Bashan, pral kova o Og o ray his, oun leskre tsele forya. Das kek foro lestar, hoy mer gar dren lam. Kolla his 60 (shob-deesh) forya.

Josua 12:5

Yob his o ray pral i berga Hermon oun pral o foro Salka, oun pral o tselo them Bashan bis kote, kay i themma Geshour oun Maaka čiddo hi. Oun an o them o baro rayestar Og his ninna o paash them Gilead bis pash o them, kay o Sihon o baro ray his, kova, kay djivas an o foro Heshbon.

Josua 13:13

Kol menshen dran Geshour oun Maaka tradan i Israelitarya gar krik. Doleske djivenn yon gomme kava dives mank i Israelitaryen.