5. Mose 3:1 - O Debleskro Lab 2024 (Sinte-Manouche)

¹ Kote rissram oun lam o drom, hoy an o them Bashan pre djal. Oun o Og, ko baro ray pral Bashan, djas vin peskre tsele lourdentsa, te kourenn le pen mentsa pash o foro Edrei.

O Debleskro Drom 2021 (Sinte)

¹ Kote rissram un lam o drom, hoi an o them Bashan pre djal. Un o Og, ko baro rai pral Bashan, djas win peskre tsele lurdentsa, te kurenn le pen mentsa pash o foro Edrei.

5. Mose 3:1 Iomraidhean Croise

1. Rajengro liil 4:19

O Geber, koleskro dad o Ouri hi, yob his o pralstouno pral o them Gilead, kay glan i tsiro o Sihon o ray his, ko baro ray pral i Amorarya, oun o Og o baro ray pral Bashan his. Kokres yek morsh his o pralstouno pral kava them.

Nehemia 9:22

Oun dal rayengre themma oun vavar menshen an lengre vasta; yek them pal o vavar dal tou len. Yaake lan le o them Heshbon dren, kay o Sihon o baro ray his, ninna o them Bashan, kay o Og o baro ray his.

Debleskri gili 136:20

Oun o Og, o baro ray pral o them Bashan. Leskro lačepen ačella hako tsireske!

5. Mose 1:4

Kova his pal kova yob kol douy bare rayen das: o Sihon, ko baro rayes pral i Amorarya, kay an o foro Heshbon djivas, oun palle pash Edrei o Og, ko baro rayes pral Bashan, kay an o foro Astarot djivas.

5. Mose 2:32

Oun o Sihon djas vin dran o foro peskre tsele lourdentsa, te kourenn le pen mentsa pash o foro Yahaz.

5. Mose 29:7

Oun mer lam lengro them dren oun dam les i menshende dran o kheer Ruben oun dran o kheer Gad oun i paash familyate Manasse, te vell ko them lengro them.

5. Mose 3:2

Oun o baro Devel penas ap mande: “Ma dare lestar, me dom les oun leskre tsele lourden oun leskro them an tiro vast. Kre leha har kova o Sihoneha kral, ko baro rayeha pral i Amorarya, kay an o foro Heshbon djivas.”

5. Mose 31:4

O baro Devel krell kol vavar menshentsa yaake, har yob kova kras i rayentsa pral i Amorarya, o Sihon oun o Og, kolen yob das oun lengro them paash kras.

5. Mose 4:47

Oun yon lan leskro them penge dren, ninna o them, kay o Og o ray his pral o them Bashan. O Sihon oun o Og, kol douy his i raya pral i Amorarya ap kay rig o panyestar Yordan, kay o kham pre djala.

Josua 12:1

Oun kalla hi kol bare raya, pral kolende i Israelitarya i zorleder van, oun lengre themma dren lan. Douy his i raya pral o them ap koy rig o panyestar Yordan, kay o kham pre djala, mank o pani Arnon oun koy berga, hoy kharell Hermon, ninna pral koy tseli tala ap koy rig o panyestar Yordan, kay o kham pre djal.

Josua 12:4

Ko vavar baro ray his o Og, ko ray pral o them Bashan. Yob djivas an o foro Astarot oun an o foro Edrei, oun his yek, kay kol bare menshendar pral ačan, kay venn rise kharedo.

Josua 13:30

ko tselo them Bashan bis pash o foro Mahanayim; o them Bashan his o them, kay o Og o baro ray his; oun i tsele gaba, kay kharenn Yayreskre gaba, oun hi an o them Bashan čiddo – kolla his 60 (shob-deesh) gaba.

Josua 9:10

oun ninna halauter, hoy yob kol douy bare rayentsa pral i Amorarya kras, kay ap i vavar rig o panyestar Yordan djivan, ko rayeha Sihon, ko baro rayeha pral o foro Heshbon, oun ko rayeha Og, ko baro rayeha pral o them Bashan, koon an o foro Astarot djivas.