5. Mose 26:18 - O Debleskro Lab 2024 (Sinte-Manouche)

¹⁸ Kava dives penan t'mer glan leste: Ava, mer kamah leskre menshe te vell, yaake har yob penas, oun kamah leskre tsele laba te rikrell.

O Debleskro Drom 2021 (Sinte)

¹⁸ Kau diwes penan tumer glan leste: ‘Awa, mer kamah leskre menshe te well, jaake har job penas, un kamah leskre tsele laba te rikrell.’

5. Mose 26:18 Iomraidhean Croise

2. Samuel 7:24

Tou rodal touke kol menshen Israel vin, te venn yon tire menshe hako tsiro, oun tou, baro Devel, val lengro Devel.

Debleskri gili 119:6

Te dau yak ap tire laba, krau či te hounte ladjap man.

Debleskri gili 135:4

O baro Devel rodas peske o Yakobeskre menshen vin, ava, o Israel las lo, te vell lo leskro.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

Jeremia 13:11

Yaake har i morsh ko pandepen troul peste pandella, yaake pandom me kol tsele menshen dran Israel oun kol tsele menshen dran Youda troul mande, te venn yon mire menshe. Kamom, te vap dran lende sharedo oun miro lab bares oun prindjedo vell; yon kaman gar ap mande shounell, penell o baro Devel.

3. Mose 20:26

Me hom o baro Devel. Kek vavar hi har me. An mande hi kek čilačepen. Oun t'men rodom vin dran i vavar themma, te venn t'mer miro. Doleske hounte venn kokres mange oun djivenn har i Debleskre menshe djivenn.

Zefanja 3:20

An ko tsiro anau t'men khere. oun anau t'men khetne. An ko tsiro dikenn t'mer: Me krau, te vell t'menge pale lauter mishto. Me krau t'men bares oun an-dikles an i tsele themma ap kay phoub. Kova penell o baro Devel.

Remarja 16:26

Kanna vell ko drom diklo. Ko dromestar činan i Debleskre rakepangre an pengre lila, yaake har o baro Devel kamas. Kova djivella hako tsiro, oun kamas i tsele menshendar ap i phoub, te patsenn le oun shounenn le ap leste.

5. Mose 14:2

T'mer han o baro Debleskre menshe. Yob hi t'maro Devel. T'men rodas lo vin dran i tsele themma ap i phoub, te venn i natsyona, hoy leske hi.

5. Mose 27:10

Doleske shounenn ap leste, oun rikrenn t'men ap leskre laba oun ap leskro čačepen, hoy t'menge kava dives penau!”

5. Mose 28:1

Kava dives penau t'menge o baro Debleskre tsele laba, pal kolende hounte djivenn. Shounenn ap t'maro baro Debleste, oun krenn pal kal laba! Palle krell t'mendar t'maro baro Devel i natsyona, hoy boudeder an-diklo hi har i tsele vavar natsyone ap i phoub.

5. Mose 28:9

Te shounenn t'mer ap t'maro baro Debleste oun djan ap leskre dromma, krell lo t'mendar i natsyona, hoy leske hi yaake har lo pes sovel das te krell lo.

5. Mose 29:13

Koy sovel djal lo gar t'mentsa kokres dren, kay han kava dives kate glan leste tardo. Na-a, ninna t'mare čaventsa, kay gomme gar boldo hi, djal lo koy sovel dren.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

5. Mose 7:6

T'mer han menshe, kay hi o baro Debleske kokres koy. T'men rodas lo vin dran i menshen an i tsele themma, kay ap i phoub hi, te venn t'mer leskre menshe.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.