5. Mose 26:16 - O Debleskro Lab 2024 (Sinte-Manouche)

¹⁶ O Mose penas: “Israel, kava dives penell tiro baro Devel touke, te kress halauter, hoy yob toutar kamell, oun djivess pal kol tsele čačepaskre laba. Rike len tiro tselo djiyeha oun tiri tseli zoryah.

O Debleskro Drom 2021 (Sinte)

¹⁶ O Mose penas: “Israel, kau diwes penell tiro baro Dewel tuke, te kress halauter, hoi job tutar kamell, un djiwess pal kol tsele tchatchepaskre laba. Rike len tiro tselo djijeha un tiri tseli sorjah.

5. Mose 26:16 Iomraidhean Croise

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Johanni 14:15

“Te kamenn t'mer man o djiyestar, krenn t'mer, hoy me t'menge penom.

5. Mose 10:12

Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

5. Mose 11:1

O Mose penas doureder ap i Israelitaryen: T'mer hounte kamenn t'maro baro Debles o tselo djiyestar! Krenn lauter, hoy lo t'mendar kamell. Rikrenn t'men ap leskre čačepaskre laba, oun djivenn pal leskre laba yaake rah har djivenn.

5. Mose 11:8

Doleske rikrenn t'men ap i tsele laba, hoy t'menge kava dives penau. Palle han zoreles doha, te lenn ko them t'menge dren, an koleste kanna djan.

5. Mose 12:1

Kanna penau t'menge, hoy o Devel t'mendar kamella oun leskre čačepaskre laba, hoy hounte rikrenn an ko them, hoy dell t'men o baro Devel, kay ninna o Devel t'mare phourendar his, te lenn les t'menge dren. Denn yak ap kal laba, oun rikrenn t'men ap lende yaake rah har djivenn.

5. Mose 26:17

Kava dives penas o baro Devel touke, te hi lo tiro Devel, oun kamell, te djas tou ap leskre dromma oun kress, hoy lo toutar kamell, oun djivess pal leskre laba oun leskro čačepen, oun shouness ap leste.

5. Mose 4:29

An kol themma rodenn t'mer palle o baro Debles, kay t'maro Devel hi. Te poučenn pal leste t'maro tselo djiyeha oun t'mari tseli zoryah, hatsenn t'mer les.

5. Mose 6:1

Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

5. Mose 6:17

Rikrenn mishto o baro Debleskre laba oun djivenn yaake, har t'maro Devel t'menge sikras. Krenn, hoy yob t'mendar kamell!

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?