5. Mose 26:14 - O Debleskro Lab 2024 (Sinte-Manouche)

¹⁴ Me shounom ap toute, miro baro Debleste oun krom lauter yaake, har tou mange penal: An ko tsiro, kay rovom i mouleske, rhom kek rhapen, hoy tout dino his. Oun taprom či kolestar, har pale-čiddo homs. Oun dom či kolestar i moulenge.

O Debleskro Drom 2021 (Sinte)

¹⁴ Me shunom ap tute, miro baro Debleste un krom lauter jaake, har tu mange penal: An ko tsiro, kai rowom i muleske, chom kek chapen, hoi tut dino his. Un taprom tchi kolestar, har pale-tchiddo homs. Un dom tchi kolestar i mulenge.

5. Mose 26:14 Iomraidhean Croise

Debleskri gili 106:28

Pal i tsiro vitsran pen i Israelitarya glan kol vavarengro debleste Baal tele ap i berga Peor, oun rhan ko mass kol firhendar, hoy van maredo i moulenge.

Debleskri gili 18:22

Me rikrom man ap i dromma o baro Deblestar, oun moukom gar miro Debles.

Jeremia 16:7

Koy hi kek bouder, kay dell rhapen kolen, kay pral ačan oun rovenn. Ninna te meras lengro dad oun lengri day, hi kek koy, kay dell len čomone te piyell, te venn le pale zoreles.

Ezekiel 24:17

Čorrhanes nay leh phares dourho. Ma rob i bari golyah har yek pral yekeste rovell, kay meras! Rike tiro diklo troul tiro shero, oun ma rib tire kirrha vin! Ma čake tiri čor tele! Oun ma rha ko maro, hoy kolenge anlo vell, kay rovenn pral i mensheste, kay meras.

Hosea 9:4

Kote nay anenn le kek mool o baro Debleske. Oun ap kol firhe, hoy le leske marenn, dikell lo gar lačes. O rhapen, hoy le kote rhan, hi pale-čiddo, oun krell hakenes pale-čiddo, hoy kova rhal – yaake har ko maro, hoy an i kheer hi, kay yek meras. Lengro maro nay rhan le pash pende kokres, oun nay anenn či an o baro Debleskro kheer.

3. Mose 21:1

O baro Devel penas ap o Mose: Pen i rashayenge dran o kheer Aron: Ma taprenn i moules an, te venn gar pale-čiddo!

3. Mose 21:11

Pash kek mouleste djal lo, te vell lo gar pale-čiddo, vitar gar, te hi ko moulo peskro dad oder peskri day.

3. Mose 7:20

Kova kay rhal ko mass, hoy o baro Debleste dino vas, oun ap leste hi i pale-čiddo koova, kova vell infam oun hi bouder kek Israelitari.

Maleachi 2:13

Koy hi gomme i vavar koova, hoy t'mer kran: Te venn t'mer glan o baro Debleste, oun o baro Devel dikell gar lačes ap kova, hoy leske anenna, oun kamell či dran t'mare vasta te lell, palle rovenn t'mer oun denn gole, oun t'mare sva čakrenn leskri rhačepaskri.

5. Mose 13:5

Leske djan palla! Rikrenn les t'menge glan i yaka pash halauter, hoy krenn! Lauter, hoy yob penas, krenn! Shounenn ap leste! Mangenn les an! Oun rikrenn t'men ap leste!

5. Mose 26:13

Oun tou peness glan o baro Debleste, kay tiro Devel hi: “Me anom mandar kova, hoy tiro hi, oun dom les o Levitaryen oun o vi-themaryen oun kol čaven, kolen kek dad bouder hi oun kol romyen, kolengro rom meras. Pal halauter krom me har tou penal. Oun me rikrom tire laba oun bistrom kek lendar.

5. Mose 26:15

Dik tele ap mende dran tiro bolepaskro kheer! Oun čip tiri barht ap mende, tire menshende Israel, oun ap ko them, hoy tou men dal, yaake har tou tout glan mare phourende sovel dal, te deh men i them, hoy yaake lačo hi, te nashell thoud oun gvin koy dren.”