5. Mose 26:10 - O Debleskro Lab 2024 (Sinte-Manouche)

¹⁰ Kanna anau ko ersto djob, hoy bares vas an ko them, hoy o baro Devel man das.” Palle čivess tou les glan tiro baro Debleste tele, oun vitsress tout tele glan leste, te mangess les an.

O Debleskro Drom 2021 (Sinte)

¹⁰ Kanna anau ko ersto djob, hoi bares was an ko them, hoi o baro Dewel man das.” Palle tchiwess tu les glan tiro baro Debleste tele, un witsress tut tele glan leste, te mangess les an.

5. Mose 26:10 Iomraidhean Croise

1. Familjakro liil 29:14

Me hom či, oun mire menshe hi či. Mendar nay dah tout gar savo boud koova! Lauter, hoy men hi, vell toutar. Ninna kava koova, hoy dam toute, lam toutar.

Debleskri gili 22:27

Mou rhan i čorvele oun venn čalo! Oun kolla, kay ap o baro Debleste gole denna, mou sharenn les! Lenge te vell i djipen, hoy gar pre-herella!

Debleskri gili 22:29

O baro Devel hi o ray pral i tseli phoub. Ava, o baro ray hi lo pral i tsele themma.

Debleskri gili 86:9

I tsele natsyone, kolen tou kral, kolla venna oun mangenn tout an, maro rayes, oun sharenn tiro raylepen.

Debleskri gili 95:6

Avenn, mangas les an! Te djas ap mare čanga, oun peras tele glan o baro Debleste! Yob hi kova, kay kras men.

2. Mose 22:29

Yaake kress ninna tire groumyentsa oun tire bakrentsa oun bouzyentsa. Efta divessa ačenn le pash pengri date. Oun ap o orhtato dives dess len mande.

2. Mose 23:19

Tou aness o feteder halauterestar, hoy ap tiri phoub bares vas tiro baro Debleske an leskro kheer. Tou keress gar i terni bouzni an i thoud peskri datar.

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Gosewe laba 3:9

De o baro Debleste tiro bravlepastar oun ko feteder kolestar, hoy touke khetne anal, yaake hadeh leskro lab.

Jesaja 66:23

Oun hako čon, ap ko dives, kay vell o nevo čon diklo, oun hako kourko ap o Debleskro dives, venna menshe dran hake themma glan mande, te vitsrenn le pen glan mande tele, penell o baro Devel.

Remarja 2:1

Tou mensho, kay dikeh ap kolende oun peneh, har baro hi lengri doosh, tou nay peneh gar toutar: “Man hi kek doosh ap mande.” Ko čilačepen, hoy tou ap o vavareste dikeh, hi ninna ap toute. Tou te sikreh ap o vavareskri doosh, rakreh tou o čačepen pral toute vin.

1. Korintarja 10:31

Hoy t'mer ninna krenna oun rhana oun piyenna, kova krenn lauter yaake, te vell o Devel sharedo.

5. Mose 18:4

Ninna vell i rashayen hako bersh o nevo djobestar, i nevi molyatar oun o nevo djetestar, hoy t'mer dren anan. Ninna o bakrengro bal, hoy o ersto kopo tele činlo vell, hi lenge.

5. Mose 26:17

Kava dives penas o baro Devel touke, te hi lo tiro Devel, oun kamell, te djas tou ap leskre dromma oun kress, hoy lo toutar kamell, oun djivess pal leskre laba oun leskro čačepen, oun shouness ap leste.

5. Mose 26:2

palle less tou ko ersto djob, hoy ap tiro phoub bares vas. Oun tou čivess les an i korba oun aness les pash koy platsa, kay yob kamell, te vell lo kote an-mangedo.

5. Mose 26:4

Oun ko rashay lell koy korba dran tiro vast oun čivell lat glan i rhačepaskri, kay o baro Debleske rhapen oun firhe rhačedo venna.

5. Mose 8:18

Doleske ma bistrenn t'maro baro Debles! Yob hi kova, kay tout i zoor das, te nay lenn t'menge bravlepen khetne. Oun yaake rikrell yob kova, hoy lo t'mare phourentsa vin kras. Ninna kava dives rikrell lo pes ap kova.

Debleskro tsiro 22:9

Oun yob rakras ap mande oun penas: “Ma kre kova! Me hom o Debleskro boudepaskro har tou oun tire phrala, kay o Debleskre rakepangre hi. Oun me hom ninna yek kolendar, kay rikrenn kal laba an pengre djia, hoy an kava liil činlo hi. Ma share man! Share o Debles!”