5. Mose 24:13 - O Debleskro Lab 2024 (Sinte-Manouche)

¹³ Te djal o kham tele, dess tou les kova pale, te nay čivell lo pes tele an peskri plaashka, oun yob rakrell barht pral toute vin. Oun yaake hal tou an o čačepen tardo glan tiro baro Debleste.

O Debleskro Drom 2021 (Sinte)

¹³ Te djal o kham tele, dess tu les kowa pale, te nai tchiwell lo pes tele an peskri plaashka, un job rakrell bacht pral tute win. Un jaake hal tu an o tchatchepen tardo glan tiro baro Debleste.

5. Mose 24:13 Iomraidhean Croise

1. Mose 15:6

Oun o Abram patsas o baro Debles. Oun doleske kras o Devel les čačo glan peskre yaka.

Debleskri gili 112:9

Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

2. Mose 22:25

Te hi yek tire menshendar touke love siyaan, oun tou leh leskri baya ko tsireske, kay yob touke love siyaan hi, palle dik, te dess leste peskri baya pale glan ko tsiro, kay o kham tele djal.

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.

Ezekiel 18:12

oun rikrell i čorvelen zoryah tele, ninna kolen, kolen gar doha djipaske hi, oun lell zoryah peske, hoy gar leskro hi. Te patsas lo love vin, dell lo kova gar pale, hoy das les ko čorvelo ko tsireske, kay les siyaan pash leste hi. Oun yob mangell i rhorhene deblen an, oun krell, hoy glan o Debleske yaka djoungeles hi.

Ezekiel 18:16

Kekes rikrell lo zoryah tele. Te hi yekes siyaan pash leste, mangell lo lestar či ko tsireske, kay koles siyaan pash leste hi. Yob lell gar zoryah peske, hoy o vavares hi. Oun dell kolen maro, kolen bok hi, oun koola kolen, kolen či an-ripaske hi.

Ezekiel 18:7

Yob rikrell kekes zoryah tele. Te patsas lo love vin, dell lo kova pale, hoy das les ko čorvelo ko tsireske, kay les siyaan pash leste hi. Yob lell kekestar čomone zoryah peske. Peskro maro dell lo koles, kones bok hi, ninna koola koles, kay kek an-ripaske hi.

Ezekiel 33:15

oun dell koleste kova pale, hoy lo koleske las, har lo leske čomone patsas, oun dell ninna kova pale, hoy lo čoras, oun djivell kanna pal kol laba, hoy o djipen anenn, oun krell bouder gar o čilačepen – palle djivell lo! Yob merell gar!

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Amos 2:8

Ap hake platse, kay o Devel sharedo vell, sovenn le ap koola, hoy lan le i čorvelenge krik, kay siyaan pash lende hi. Oun an o kheer lengro Deblestar piyenn le mool, hoy lan le kolendar, kay siyaan pash lende hi.

Efesarja 4:26

Te venn t'mer an i rholi, palle denn garda, te krenn kek čilačo koova! Moukenn o kham gar tele te djal pral t'mari rholi!

5. Mose 24:12

Te hi lo i čorvelo morsh, pale čiveh tou tout gar tele koleha, hoy lo tout das.

5. Mose 24:15

Ap ko emligo dives dess tou les peskre love i boudjake, hoy lo touke boudras, glan te djas o kham tele. Yob hi čorvelo, oun les hounte vell kol love djipaske. De len leste, te dell lo gar gole ap o baro Debleste pral toute, oun yaake doosh ap toute vell.

5. Mose 6:25

Mer te krah pal kal tsele laba oun shounah ap kova, hoy maro baro Devel menge penas, palle ham glan leste an o čačepen tardo.”

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.