5. Mose 24:1 - O Debleskro Lab 2024 (Sinte-Manouche)

¹ Te lell i morsh peske i romyat, oun palle hatsell lo čomone ap late, hoy kamell lo gar, oun činell lake i liil vin, an koleste tardo hi, te moukas lo lat, oun dell ko liil an lakro vast, oun tradell lat dran peskro kheer vin,

O Debleskro Drom 2021 (Sinte)

¹ Te lell i mursh peske i romjat, un palle hatsell lo tchomone ap late, hoi kamell lo gar, un tchinell lake i liil win, an koleste tardo hi, te mukas lo lat, un dell ko liil an lakro wast, un tradell lat dran peskro kheer win,

5. Mose 24:1 Iomraidhean Croise

2. Mose 21:10

Te lell i rom peske i douyti romyat, palle hounte dell lo i glanstunate lauter yaake har glan ko tsiro: rhapen, ripya, oun yob hounte sovell lah har glan ko tsiro.

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Maleachi 2:16

Kova kay rhoyrell pes pral peskri romni, oun tradell lat krik, krell i baro djoungelo koova, penell o baro Devel, ko ray pral o bolepen oun i phoub. Doleske denn yak an t'mare djia: Ma phagenn ko lab, hoy lake dan, har penan: Me moukau tout gar.

4. Mose 5:12

Pen kol Israelenge: Nay vell, te rhorhell i djouvel peskro romes i vavar morsheha, oun lakro rom djinell kova gar, oun kek dikas, te anas li i ladj ap peste oun tapras lat koy pashel,

4. Mose 5:28

Te anas savi djouvel gar ladj ap peste, oun kek doosh hi ap late, palle vell yoy gar nasselo, oun nay vell an vavar koova.

Mateo 1:19

O Yosef his i lačo morsh. Oun yob kamas kek ladj ap late anell. Doleske kamas lo lat čorrhanes te moukell.

Louka 16:18

Koon peskri romyat moukella, oun romedinerell i vavar djouvyat, kova rhorhell peskri ersti romyat oun anell doosh ap peste. Oun kova, kay romedinerell i moukli djouvyat, kova anell doosh ap peste, te las lo i vavareskri romyat.”

5. Mose 21:15

Te hi i morshes douy romya, oun yob kamell koy yek boudeder har koy vavar, oun hakeni las lestar yek morsh čavo, oun o phoureder morsh čavo hi kolatar, kolat yob gar kamell,

5. Mose 22:13

Te romedinerell i morsh i čat, oun pal i tsiro kamell lo lat bouder gar,

5. Mose 22:19

oun penenn leske, te hounte dell lo sheel roupene beme lakro dadeste. Kova hi leskri phagi. Yob anas i čilačo rakepen pre ap i terni čate an Israel. Yob hounte rikrell lat, oun yob nay moukell lat gar an peskro tselo djipen.

5. Mose 22:29

palle hounte dell ko morsh, kay pash late čiddo his, lakro dadeste i paash--sheel roupene beme, doleske kay yob ladj ap late anas. Oun yoy vell leskri romni. Oun yob nay moukell lat gar peskro tselo djipen.

5. Mose 24:2

oun yoy djal dran leskro kheer oun vell i romni i vavar morshestar,

5. Mose 24:3

oun ko vavar morsh kamell lat bouder gar, oun činell lake ninna i liil, an koleste tardo hi, te moukas lo lat, oun dell les ninna an lakro vast, oun tradell lat dran peskro kheer, palle nay lell lat gar lakro ersto rom i douyto kopo. Kova nay krell lo vitar gar, te meras lakro douyto rom. Lakro ersto romeske vas li pale-čiddo. Te romedinerals lo lat i douyto kopo, vals kova djoungeles o baro Debleske. T'mer hounte krenn gar ko them pale-čiddo, kova t'maro baro Devel t'men dell, te vell lo t'menge.