5. Mose 23:9 - O Debleskro Lab 2024 (Sinte-Manouche)

⁹ I čave lengre čavengre čavendar, kolla nay venn kote t'mentsa khetne, kay o baro Debleskre menshe khetne venna.

O Debleskro Drom 2021 (Sinte)

⁹ I tchawe lengre tchawengre tchawendar, kolla nai wenn kote tumentsa khetne, kai o baro Debleskre menshe khetne wenna.

5. Mose 23:9 Iomraidhean Croise

2. Familjakro liil 19:4

Oun o Yosafat djivas an o foro Yerusalem, oun djas pale an o tselo them trouyel foun o foro Beersheba bis pash i berge Efrayim, oun anas i menshen pale pash o baro Debleste, kay o Devel lengre phourendar his.

2. Familjakro liil 31:20

An o tselo them Youda kras o Hiskiya yaake, har mishto oun čačo his glan o baro Debleste. Yaake djivas lo peskro Debleha.

Jesaja 56:3

Oun i vi-themari, kay djal ap o baro Debleskro drom, kova hounte penell gar: O baro Devel čivell man pale peskre menshendar. Oun ko morsh, kay yaake činlo hi ap peskro mass, te lell lo bouder kek čave, hounte penell gar: Me hom i moulo rouk!

Louka 3:14

Ninna i lourde poučan lestar: “Har hi mentsa? Hoy te kras mer?” Lenge penas lo: “Ma krenn kekeske čilačo koova, oun lenn kekestar love i zoryah! Kol love, hoy playsrenn i pralstoune t'menge, kol love moukenn t'menge doha te vell!”

5. Mose 23:10

Te djan t'mer vin, te kourenn t'men kolentsa, kay kamenn t'men gar an pengro them, palle denn t'men yak, te krenn koy platsa gar pale-čiddo, kay čivenn t'mare plarhtene khera pre.

5. Mose 23:8

I Edomaryen čivenn gar pale! Yon hi t'mare phrala. Vitar gar čivenn i Egiptaryen pale. An lengro them djivan i rah tsiro.

Josua 6:18

T'mer, denn yak, te lenn t'menge či kolestar, hoy hounte vell moulo dino. Kova te krenn t'mer, palle anenn t'mer bari bibarht oun o merepen pral i tsele Israelitarya.

Čačepangre 20:26

Pale djan i tsele lourde dran Israel pre an o foro Betel, oun rovan oun dan gole glan o baro Debleste. Oun rhan či oun piyan či ko tselo dives bis i rat vas. Oun yon rhačran firhen o baro Debleske, save kay van tseles rhačedo oun save, kay rhan le khetne glan o baro Debleste.