5. Mose 23:8 - O Debleskro Lab 2024 (Sinte-Manouche)

⁸ I Edomaryen čivenn gar pale! Yon hi t'mare phrala. Vitar gar čivenn i Egiptaryen pale. An lengro them djivan i rah tsiro.

O Debleskro Drom 2021 (Sinte)

⁸ I Edomarjen tchiwenn gar pale! Jon hi tumare phrala. Witar gar tchiwenn i Egiptarjen pale. An lengro them djiwan i rah tsiro.

5. Mose 23:8 Iomraidhean Croise

1. Mose 25:25

Ko ersto, kay boldo vas, his lolo. Oun les his boud bal ap leste, yaake har i balni plaashka. Oun doleske las yob ko lab Esau.

1. Mose 25:26

Pal leste vas leskro phraal boldo. Yob rikras peskro vasteha i heri peskro phralestar Esau. Doleske las yob ko lab Yakob. O Isaak his 60 (shob-deesh) bersh phouro, har kol čave boldo van.

1. Rajengro liil 3:1

Oun o Salomo romedineras i čay o baro rayestar pral o them Egiptia. Kova his o Farao. Oun o Salomo anas lat an ko kotar o forestar Yerusalem, hoy kharell Davideskro foro, te djivell li kote yaake rah har boudran i boudepangre ap o Salomeskro kheer oun ap o baro Debleskro kheer oun ap i massouri troul Yerusalem.

Esra 9:1

Har kova halauter kerdo his, van i pralstoune pash mande oun penan: “I menshe dran Israel, i rashaya oun i Levitarya rikran pen gar pale i vavar menshendar, kay djivenn an kava them: kol Kanaanitarya, Hetarya, Perisarya, Yebousarya, Ammonarya, Moabarya, Egiptarya oun Amorarya. i Israelitarya krenn yaake djoungelo koova har kolla.

2. Mose 22:20

Ma krenn kolen o djipen phares, kay hi vi-themarya pash t'mende! Oun moukenn len gar čičeske t'menge te boudrell! Bistrenn gar, te hans t'mer ninna vi-themarya an o them Egiptia.

3. Mose 19:34

Djan leha yaake trouyel, har te vals lo yek t'mendar! Tou vess yaake lačes ap leste har hal lačes ap toute. T'mer ninna hans vi-themarya an o them Egiptia. Me, o baro Devel, hom t'maro Devel.

Obadja 1:10

Tou kral djoungelo koova ap tiro phraleste, o Yakobeste! Doleske vell i ladj ap toute, oun tou vess yaake khetne stakedo, te stess bouder gar pre!

5. Mose 10:19

T'mer hans ninna vi-themarya an o them Egiptia. Doleske hounte kamenn t'mer i vi-themaryen ninna o tselo djiyestar.

5. Mose 23:7

Ma rodenn koy pal, te djal kol menshenge mishto an i themma Moab oun Ammon, oun te venn le bravelo.

5. Mose 23:9

I čave lengre čavengre čavendar, kolla nay venn kote t'mentsa khetne, kay o baro Debleskre menshe khetne venna.

1. Samuel 30:11

Oun o Davideskre morsha hatsan i morshes dran o them Egiptia ap i kotar phoub. Kova rhas oun piyas či triin divessa oun triin ratsya. Oun yon anan les pash o Davideste, oun dan les maro te rhal oun pani te piyell. Ninna dan le les i kotar faygetikri merkli oun douy tikne gone drake, hoy trouk kerdo his. Oun har rhas lo, vas leskri zoor pale.