5. Mose 22:1 - O Debleskro Lab 2024 (Sinte-Manouche)

¹ Te nashrell pes i groumni oder i bakro, hoy i vavar Israelitares hi, oun tou dikeh les, palle vess leske ap i rig oun aness les tiro phraleske pale.

O Debleskro Drom 2021 (Sinte)

¹ Te nashrell pes i grumni oder i bakro, hoi i wawar Israelitares hi, un tu dikeh les, palle wess leske ap i rig un aness les tiro phraleske pale.

5. Mose 22:1 Iomraidhean Croise

Gosewe laba 24:11

Dja oun le kolen dran o merepen vin, kay venn pandles ap koy platsa tserdedo, kay venn le maredo. Rike kolen pale, kay koy djan.

Gosewe laba 27:10

Ma mouk tiro males, vitar gar tiro dadeskro males! Te djal touke djoungeles, ma dja an o kheer tiro phralestar. Hi feteder, te djas pash yekeste, kay gar dour toutar djivell, har pash tiro phraleste, kay dour toutar krik djivell.

Gosewe laba 28:27

Kova, kay dell i čorveleste, koles vell doha djipaske. Kova, kay yaake krell, har te dikell lo o čorveles gar, pral koleste rakrenn boud i bibarht vin.

Jesaja 58:7

De koles te rhal, kay bokell! oun le kolen khere pash toute, kay čorvelo hi oun ap o drom djivenn. Te dikeh yekes, koles kek ripya hi, de les koola! Oun ab tiri familyake koy!

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 34:4

Kolenge, kay len kek zoor bouder his, van t'mer gar ap i rig, te venn le pale zoreles. Oun kolla, kay nasselo his, kran t'mer gar sasto. Oun kolla, kay phagan pen i heri, lenge čivan kek diklo troul koy doukedi heri. Oun kolla, kay nashran pen, anan t'mer gar pale. Oun kolla, kay nashedo his, rodan t'mer gar. Oun čilače zoryah hans i raya pral lende.

3. Mose 20:4

Te pandan i Israelitarya pengre yaka glan kova, hoy ko morsh kras, oun denn les gar moulo,

3. Mose 6:3

O rashay rivell peskro layntikro gad an, oun ninna kol layntikre rholopya. Yob lell i yagakri čik krik, hoy vell ko firhestar, koleskro tselo mass rhačedo vas. Oun yob čorell koy čik vin pash i rhačepaskri.

Zakarie 7:9

Me, o baro Devel, ko ray pral o bolepen oun i phoub, penom glan boud bersha mire menshenge: “T'mer hounte denn yak, te vell o čačepen kerdo. Oun hakeno hounte krell peskro dji pre peskro phraleske oun vell leske lačes.

Mateo 10:6

Djan pash i Israelitarya! Yon hi har nashede bakre!

Mateo 15:24

Penas lo ap lende: “O Devel bičras man pash i Israeleskre menshende kokres. Kolla hi har bakre, kay nashedo hi.”

1. Korintarja 9:9

An o Moseskre lila hi činlo: I groumni, hoy boudrell, te dell li o djob dran o phouss, ma pande lakro mouy! Hi o Debleske i groumni ap o dji čiddo? Na-a!

5. Mose 22:2

Te djivell lo dour toutar krik, oun tou prindjreh les ninna gar, palle less ko firhes an tiro kheer pre, te ačell lo pash toute, yaake rah bis te tiro phraal vella oun les rodell. Oun palle de les leste pale.

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.