5. Mose 21:5 - O Debleskro Lab 2024 (Sinte-Manouche)

⁵ Palle stakrenn i rashaya dran o kheer Levi glan. Kolen rodas t'maro baro Devel vin, te krenn le leskri boudi, oun te rakrenn le leskri barht vin pral i menshende. Oun an i čingepen oun pal i marepen rakrenn le o čačepen vin.

O Debleskro Drom 2021 (Sinte)

⁵ Palle stakrenn i rashaja dran o kheer Levi glan. Kolen rodas tumaro baro Dewel win, te krenn le leskri budi, un te rakrenn le leskri bacht win pral i menshende. Un an i tchingepen un pal i marepen rakrenn le o tchatchepen win.

5. Mose 21:5 Iomraidhean Croise

1. Familjakro liil 23:13

O Amram, leskre čave his: o Aron oun o Mose. Oun o Aron oun leskre čave van vin rodedo, te venn le rashaya hako tsireske. Yon kokres nay kran o baro Debleskri boudi: nay rhačran firhen ap leskri rhačepaskri, oun nay rakran o Debleskri barht vin pral i Israelitarya.

2. Familjakro liil 19:10

Te venn pash t'mende t'mare phrala, kol čačepangre dran kol vavar forya, oun poučenn t'mendar, hoy te krenn le pash kava te ko čingepen, nay djal troul rat fer rat, nay djal troul o Debleskro drom oun leskre laba, kova, hoy yob t'mendar kamell, oun hoy an leskre čačepaskre laba činlo hi, palle hounte t'mer lenge penenn oun sikrenn, har kova čačo hi, te anenn le kek doosh pral pende glan o baro Debleste, oun leskri rholi pral t'mende vell oun pral t'mare phrala. Te sikrenn t'mer lende lauter mishto, anenn t'mer kek doosh ap t'mende.

Ezekiel 42:13

O morsh penas ap mande: Kal isema, kolla ap i nordetikri rig, oun kolla ap koy rig, kay o kham pralstounes tardo hi, hoy pash koy platsa čiddo hi, hoy pal o Debleskro kheer hi, kolla hi kolenge, kay boudrenn o Debleske. I rashaya, kay glan o baro Debleste pengri boudi krenn, nay rhan kote pengro kotar kolestar, hoy o Debleske anlo vas, oun hoy kokres i rashaya nay rhan. An kal iseme čivenn le kova, hoy o Debleske anlo vas: ko djob, oun ko mass kol firhendar, hoy i doshake maredo van oun doleske, te vell lauter pale mishto. Kal iseme hi koleske, hoy o Debleske hi.

Ezekiel 44:24

Te vell i čingepen glan lende anlo, hi yon i čačepangre morsha oun hounte penenn o čačepen vin, oun hounte djan pal mire čačepaskre laba. Oun yon hounte krenn, te venn mire bare divessa ap o čačo tsiro yaake dren rikedo, har me penom, te vell kova kerdo. Ninna denn le yak, te vell o Debleskro dives dren rikedo.

3. Mose 9:22

Har anas o Aron kal tsele firhen o Debleske, hadas lo peskre vasta pre pral i tsele menshende, oun rakras o Debleskri barht pral lende vin. Palle djas lo koy treppa tele foun koy rhačepaskri.

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

5. Mose 10:8

Ko tsireske rodas peske o baro Devel kol morshen dran o kheer Levi vin, te hidjrenn yon o morhton, kay o Debleskre deesh laba dren hi, oun te venn yon rashaya oun boudrenn leske, oun rakrenn an leskro lab barht vin pral i menshende. Oun kova krenn le ninna kava dives.

5. Mose 18:5

T'maro baro Devel rodas peske o kheer Levi vin dran i tsele Israelitaryen, te venn i morsha dran o kheer Levi leskre rashaya hako tsireske.

5. Mose 19:17

palle venn kol douy, kolen čingepen pentsa hi, pash o baro Debleskro kheer, glan i rashayende oun glan i čačepangre morshende, kolla an kol divessa koy hi.

5. Mose 21:4

oun anenn lat tele an i telstouno them, kay i pani nashell, oun hoy kek harhetikri phoub hi, oun kote phagenn le koy terni groumyake i meen.