5. Mose 20:8 - O Debleskro Lab 2024 (Sinte-Manouche)

⁸ Oun i pralstoune hounte poučenn i morshendar pale: Hi mank t'mende yek, koles daar hi, oun koleskro dji trissella? Kova hounte djal pale an peskro kheer, te krell lo gar i djia peskre phralendar darenes.

O Debleskro Drom 2021 (Sinte)

⁸ Un i pralstune hunte putchenn i murshendar pale: Hi mank tumende jek, koles daar hi, un koleskro dji trissella? Kowa hunte djal pale an peskro kheer, te krell lo gar i djia peskre phralendar darenes.

5. Mose 20:8 Iomraidhean Croise

2. Mose 15:15

I bare raya an o them Edom trashan, oun kol zorele raya an o them Moab trissan. I tsele menshe an o them Kanaan daran, ava, lauteren tapras i daar.

Gosewe laba 24:10

Kova hi gar zorelo, kay an phare tsirya gar zoreles tardo hi.

4. Mose 13:31

Kol morsha, kay djan leha, penan: “Na-a, mer nay kourah men gar kol menshentsa! Yon hi zorleder har mer.”

4. Mose 32:9

Oun har yon koy pre van pash ko pani Eshkol, oun dikan ko them, van le pale pale oun rakran yaake i Israelentsa, te lan yon daar, oun kaman gar an ko them te djal, kay kamas o baro Devel lende te dell.

Louka 9:62

Ap leste penas o Yezous: “Koon kamell o Debleske te boudrell, oun dikell ap vavar koova, kova boudrella gar mishto o Debleske. Yob hi har i harho, kay boudrell ap peskri kotar phoub, oun dikell pal peste. Leskri boudi hi či moldo.”

1. Korintarja 15:33

Ma patsenn, kay lengro čačo hi! Ma krenn kova, hoy yon krenna!

5. Mose 1:28

Kay djas koy? Mare phrala kran mare djia darenes, har penan le ap mende: Kolla menshe hi zorleder oun bareder har mer, lengre forya hi baro oun lengre massurya djan pre bis pash o bolepen. Oun ninna dikam mer o Anakarya kote!

5. Mose 20:9

Oun pal kava rakepen hounte čivenn i pralstoune morshen pral i lourdende, te djan yon glan i lourdende an o kourepen.

5. Mose 23:9

I čave lengre čavengre čavendar, kolla nay venn kote t'mentsa khetne, kay o baro Debleskre menshe khetne venna.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Debleskro tsiro 3:16

T'mer han paash tato. Doleske čoungrau t'men vin dran miro mouy.

Čačepangre 7:3

Oun kanna de gole glan i kanda i tsele lourdendar: Kones daar hi, kova djal i berga Gilead tele oun djal khere!” Kova kras o Gideon. Oun 22.000 (biish-te-douy-zerya) morsha djan khere. Oun 10.000 (deesh-zerya) morsha ačan pash o Gideon.