5. Mose 20:6 - O Debleskro Lab 2024 (Sinte-Manouche)

⁶ Hi mank t'mende yek, kay drakengre rouka an i phoub čivas, oun las gomme kek drake dren? Kova hounte djal pale an peskro kheer, te merell lo gar an o kourepen, oun i vavar morsh lell kol drake.

O Debleskro Drom 2021 (Sinte)

⁶ Hi mank tumende jek, kai drakengre ruka an i phub tchiwas, un las gomme kek drake dren? Kowa hunte djal pale an peskro kheer, te merell lo gar an o kurepen, un i wawar mursh lell kol drake.

5. Mose 20:6 Iomraidhean Croise

Jesaja 65:22

Yon čivenn kek kheer pre tardo, oun i vavar djivell palle dren. Oun yon čivenn či an i phoub, oun i vavar rhal les palle. Yaake phouro i rouk vell, yaake phouro venn ninna mire menshe. Oun mire vi-rodede menshe venn i rah tsiro barhteles pral kova, hoy lengre vasta kran.

Jeremia 31:5

Tou čiveh pale drakengre rouka an i phoub ap i berge an Samaria, oun rhah lengre drake.

Zefanja 1:13

Lengro bravlepen vell randedo, oun lengre khera khetne dino. Yon krenn penge khera oun djivenn gar koy dren, oun čivenn drakengre rouka an i phoub, oun piyenn kek mool kolendar.

1. Korintarja 9:7

Kek tserdella an o kourepen oun playsrell pes kokres. Kek čivell i drakengre rouka an i phoub, oun rhal gar i drake. Kek dell peskre bakren zenlepen te rhal, oun piyell gar lengro thoud.

5. Mose 20:5

Pal kova hounte rakrenn i pralstoune ap i kourepangre oun poučenn: Hi mank t'mende yek, kay i kheer pre tardo čivas oun moukas gomme gar o Debleskri barht pral kova vin te rakrell? Kova hounte djal pale an peskro kheer, te merell lo gar an o kourepen, oun i vavar morsh djivell an leskro kheer.

5. Mose 20:7

Hi mank t'mende yek, koles i pirni hi oun yob las lat gomme gar pash peste? Kova hounte djal pale an peskro kheer, te merell lo gar an o kourepen, oun i vavar morsh lell lat peske.