5. Mose 20:16 - O Debleskro Lab 2024 (Sinte-Manouche)

¹⁶ An kol forya, hoy hi an ko them, hoy t'maro baro Devel t'men della, hounte moukenn t'mer kekes djido, kek menshes vitar kek firhes.

O Debleskro Drom 2021 (Sinte)

¹⁶ An kol forja, hoi hi an ko them, hoi tumaro baro Dewel tumen della, hunte mukenn tumer kekes djido, kek menshes witar kek vieches.

5. Mose 20:16 Iomraidhean Croise

4. Mose 21:35

Oun i Israelitarya dan o baro rayes Og oun leskre čaven oun leskre tsele lourden, – kek lendar ačas pral. Oun yon lan lengro them penge.

4. Mose 31:17

Kanna, denn moulo kol tsele morsh čaven, oun kol tsele djouvyen, kolen i rom his.

4. Mose 33:52

hounte tradenn kol tsele menshen, kay djivenn kote, glan t'mende krik. Oun lengre tsele barrengre oun sasterne deblen, hoy kran yon penge, krenn paash, ninna kol pre-čidde barra.

5. Mose 20:15

Yaake krenn t'mer i tsele foryentsa, kay hi dour t'mendar krik, oun gar kate an o them, hoy lenn t'mer dren.

5. Mose 20:17

Moulo dino hounte venn le halauter: i Hetarya, i Amorarya, i Kanaanitarya, i Perisarya, i Hivarya oun i Yebousarya. Yaake penas t'menge t'maro baro Devel, te hounte krenn.

5. Mose 31:5

Ap ko tsiro, kay dell o baro Devel kol menshen an t'maro vast, krenn lentsa yaake har penom me t'menge.

5. Mose 4:21

Oun dran kova, hoy t'mer kran, vas o baro Devel ninna rhoyedo ap mande, oun das pes sovel, te djap me gar vergel o lengsto pani Yordan, oun te vap gar an ko lačo them, hoy dell t'men t'maro baro Devel, te vell les t'menge.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

Josua 10:20

Oun o Yosua peskre morshentsa maran len yaake phares khetne, te ačan lendar bouder gar boud. Oun kolla, kay nashan nay penge, nashan an kol forya, kay pre-čidde barra troul lende his.

Josua 10:28

Oun ko dives las o Yosua ninna o foro Makkeda dren. Oun o baro rayes oun lauteren, kay an ko foro djivan, das lo moulo, oun moukas kekes djido. Oun o baro rayeha pral o foro Makkeda, kras lo yaake har lo les ninna o baro rayeha pral o foro Yericho kras.

Josua 10:40

Yaake las o Yosua o tselo them dren: o pralstouno them, oun o them, kay o kham pralstounes hi, ninna o telstouno them oun o them ap i berge, – ko tselo them mank Kadesh-Barnea oun Gaza, oun mank Gosen oun Gibeon. O Yosua das i tsele bare rayen moulo, ninna lengre tsele menshen. Oun yob moukas kekes ap o djipen te ačell, yaake har penas leske o baro Devel, – o Devel pral o Israel.

Josua 11:14

Oun o kouč koova, hoy an kol forya his, ninna i tsele firhe čoran penge i Israelitarya. I tsele menshe dan le o rhareha moulo oun moukan kekes lendar djido.

Josua 6:24

O foro oun halauter, hoy an leste his, rhačran le pre. Kokres o roup oun o sonakay oun ko sasterno koova čivan le pash o bravlepen an o baro Debleskro kheer.

Josua 8:25

Oun i tsele menshe, morsha oun djouvya, kay ap ko dives moulo dino van, his 12.000 (deesh-te-douy-zerya) menshe. O Yosua las peskro vast o rhareha gar tele, bis te hakeno moulo dino his. Lauter, kay an ko foro djivan, meran ap ko dives.

Josua 8:8

Oun te lan t'mer o foro dren, palle rhačrenn les pre, yaake har o baro Devel kova penas. Denn yak, te krenn, hoy penom t'menge!”

Josua 9:24

Oun yon penan ap o Yosua: “Maro ray, mer shounam, te hi kova čačo, te penas o baro Devel ap o Mose, koles leskro čačo vast his, te dell lo t'men o tselo them, oun te hounte venn halauter moulo dino, hoy dren djivenn. Doleske his men bari daar maro djipaske, oun kram kava yaake.

Josua 9:27

Oun yaake kras o Yosua, te van le boudepangre o khereske Israel, oun hounte dan kasht oun hounte anan pani i rashayenge, kay rhačran firhen o baro Debleske ap koy platsa, kay o baro Devel vin rodell. Kova hi gomme kava dives lengre boudi.

Josua 9:7

Koy penan i Israelengre morsha ap kol Hivarya: “Nay hi, te djivenn t'mer kate mashkral mende! Har nay kras mer palle savo koova t'mentsa vin?”

1. Samuel 15:3

Doleske dja kanna an o kourepen oun koure tout i Amalekarya, oun de len halauter moulo: morsha oun djouvya, čave oun ternepen, groumya oun bakre, khamele oun bourike.”