5. Mose 20:10 - O Debleskro Lab 2024 (Sinte-Manouche)

¹⁰ Te djan t'mer glan i foro, te kourenn t'men kolentsa, kay kote djivenn, pale poučenn lendar glanstounes, te kamenn le pre te dell kek kourepah.

O Debleskro Drom 2021 (Sinte)

¹⁰ Te djan tumer glan i foro, te kurenn tumen kolentsa, kai kote djiwenn, pale putchenn lendar glanstunes, te kamenn le pre te dell kek kurepah.

5. Mose 20:10 Iomraidhean Croise

Jesaja 57:19

čivau i gili an lengro mouy, kolah sharenn le man. Kolenge, kay dour krik hi, ninna kolenge kay gar dour hi, lenge halauterenge mou djal mishto, penell o baro Devel. Me krau len sasto.

Zakarie 9:10

O baro Devel penell: Me lau i kourepangre vourdya krik dran o them Israel, oun i kourepangre graya dran Yerusalem. Oun i kourepangre boge venn phagedo. T'maro baro ray lell o čingepen krik mank i natsyone. Yob hi o ray foun yek baro panyestar bis ap o vavar, foun o panyestar Eufrat bis an i doureder themma ap i tseli phoub.

Bičepangre 10:36

Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.

2. Korintarja 5:18

Kova lauter vell o Deblestar. Yob bičras o Yezous Kristes menge an o merepen, te lell lo kova krik, hoy his tardo mank mende oun o Debleste, te nay vas mer kanna pash leste. Oun mende das lo koy boudi, te penas i menshenge, te nay venn le pash leste.

Efesarja 2:17

O Yezous Kristo vas, oun sikras lauteren o drom pash o Debleste. T'men, kay t'mer dour o Deblestar hans, oun ninna i bibolden, kay gar dour o Deblestar his, sikras lo ko drom, te djivas mer lauter pash leste khetne.

5. Mose 2:26

Koy bičrom morshen dran o moulo them Kedemot pash o Sihon, ko baro ray an o foro Heshbon, te penenn le leske: “Mashkral mende vell kek čingepen oun marepen:

5. Mose 20:11

Oun te penenn le, te kamenn le kek kourepen, oun krenn t'menge o foreskre voudya pre, palle lenn kol tsele menshen, kay kote dren hi, te hounte boudrenn t'menge i zilah.

5. Mose 20:9

Oun pal kava rakepen hounte čivenn i pralstoune morshen pral i lourdende, te djan yon glan i lourdende an o kourepen.

Čačepangre 11:12

Oun o Yefta bičras morshen pash o rayeste pral i Ammonarya, oun moukas leske te penell: “Hoy hi mank mande oun toute, te veh tou pash mande an miro them, te maress tout mentsa?”

Čačepangre 21:13

Palle bičran i Israelitarya morshen pash i Benyaminarya, kay nashan penge pash o baro bar, hoy Rimmon kharell, oun moukan lenge te penell, te kamenn le lentsa bouder kek čingepen.