5. Mose 2:8 - O Debleskro Lab 2024 (Sinte-Manouche)

⁸ Yaake djam doureder oun moukam mare phralen pal mende, kol menshen, kay van o Esaestar, oun djivenn ap i berge Seir. Oun mer moukam o drom, hoy djal dran i forya Elat oun i Ezyon-Geber an i tala Yordan bis pash o Moulo Baro Pani, oun rissram oun lam o drom, hoy djal an o moulo tato them Moab.

O Debleskro Drom 2021 (Sinte)

⁸ Jaake djam dureder un mukam mare phralen pal mende, kol menshen, kai wan o Esaestar, un djiwenn ap i berge Seir. Un mer mukam o drom, hoi djal dran i forja Elat un i Ezjon-Geber an i tala Jordan bis pash o Mulo Baro Pani, un rissram un lam o drom, hoi djal an o mulo tato them Moab.

5. Mose 2:8 Iomraidhean Croise

1. Mose 25:23

O baro Devel penas ap late: “Tou veh i day douy čavendar. Kol douyendar venna boud menshe, yaake boud, kay hakenestar yek natsyona vella. Ko terneder vell zorleder har ko phoureder oun vell o ray pral leste.”

1. Rajengro liil 9:26

Oun o baro ray Salomo moukas ninna shiffe te krell an o foro Ezyon-Geber, hoy hi pash o foro Elat čiddo, pash o Baro Lolo Pani an o them Edom.

2. Rajengro liil 14:22

Oun pal o merepen leskro dadestar, las o Asarya o foro Elat pale dren oun anas les pale pash o Youda.

2. Rajengro liil 16:6

An ko tsiro anas o Rezin, ko baro ray pral o them Syria, ko fores Elat pale pash o them Edom, oun tradas i menshen dran Youda dran o foro Elat vin. Pal kova van i Edomarya oun djivan pale an Elat. Kote hi le ninna kava dives.

4. Mose 21:4

Palle moukan yon koy berga Hor pal pende oun djan doureder ap ko drom, kay djal pash o Baro Lolo Pani. Yaake djan le troul ko them, kay djivan kol Edomarya. Oun i Israelitarya van rhoyedo ap o drom.

4. Mose 33:35

an Ezyon-Geber,

5. Mose 1:1

Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

Čačepangre 11:18

Palle djan le an o moulo them, oun troul o them Edom oun o them Moab trouyel. Oun van pash o them Moab koy rigyatar, kay o kham pre djala. Oun yon čivan pengre plarhtene khera pre ap i vavar rig o panyestar Arnon. Yaake van le gar an o Moabengro them. O pani Arnon nashell mank Moab oun o moulo them.