5. Mose 2:14 - O Debleskro Lab 2024 (Sinte-Manouche)

¹⁴ Kova his 38 (triyanda-te-orhta) bersha pal ko dives, kay djam o ersto kopo dran Kadesh-Barnea. An ko tsiro bersha meran i tsele kourepangre dran Israel, yaake har o baro Devel pes sovel das, te vell kova yaake.

O Debleskro Drom 2021 (Sinte)

¹⁴ Kowa his 38 (trijanda-te-ochta) bersha pal ko diwes, kai djam o ersto kopo dran Kadesh-Barnea. An ko tsiro bersha meran i tsele kurepangre dran Israel, jaake har o baro Dewel pes sowel das, te well kowa jaake.

5. Mose 2:14 Iomraidhean Croise

Debleskri gili 106:26

Kote hadas lo peskro vast oun das pes sovel, te marell lo len an o moulo tato them,

Debleskri gili 90:15

I rah tsiro hams tele rikedo. De men kanna yaake boud barhtele bersha, har hams an i bibarht.

Debleskri gili 90:3

Tou penell menge: “Avenn pale, t'mer menshe!” Oun moukeh men pale čik te vell.

Debleskri gili 90:9

Dran tiri rholi djan mare divessa čičeske trouyel. Mare bersha djan yaake sik har te phourdell yek o dourho vin.

Debleskri gili 95:11

Doleske dom man sovel an miri rholi: “Yon te djan gar dren an miro them, kay nay vans le khere!”

Ezekiel 20:15

Me hadom miro vast pre, oun dom man sovel, te anau len gar an ko them, hoy lenge vin rodom, ko them, an koleste boudeder har doha thoud oun gvin hi, oun hoy shoukeder hi har i tsele vavar themma.

4. Mose 1:1

Oun o baro Devel rakras o Moseha an o moulo tato them Sinay, an o Debleskro plarhteno kheer, ap o ersto dives, an o douyto čon, an o douyto bersh, har yon dran ko them Egiptia vin djan. Oun o baro Devel penas:

4. Mose 13:26

Oun van pash o Mose oun o Aron oun pash kol tsele Israelitarya, kay ačan an o moulo tato them Paran pash i panyeskro kotar them, hoy kharella Kadesh. Oun yon penan lenge kova, hoy yon dikan, oun sikran lende kol drake, phabya oun fayge dran ko them.

4. Mose 32:11

Kova hi čačo, hoy penau: Kalla menshe, kay dran o them Egiptia vin djan, oun hi biish bersha oun phoureder, dikenn ko them gar, kay dom man sovel, te dap les o Abrahameste, o Isaakeste, oun o Yakobeste. Yon djan mantsa gar o djiyeha.

1. Korintarja 10:5

Ninna te his yaake, nay dikas o Devel gar lačes ap boud lendar. Oun yon meran an o moulo them.

5. Mose 1:19

Mer kram, hoy maro baro Devel menge penas, oun djam doureder oun moukam i berga Horeb pal mende, oun kram men ap o drom an o pralstouno them, kay i Amorarya djivan. Ap maro drom hounte djam an o baro moulo them trouyel, hoy yaake dareno hi, har t'mer dikan, oun vam pash o foro Kadesh-Barnea.

5. Mose 1:2

[Deesh-te-yek divessa hi o drom lengsto mank i berga Horeb oun o foro Kadesh-Barnea ap i berge Seir.]

5. Mose 1:46

Yaake ačan t'mer ap i panyengri platsa Kadesh i rah tsiro.

5. Mose 2:13

O Mose penas doureder: Palle kram men ap o drom, yaake har o baro Devel menge penas, oun djam vergel ko lengsto pani, hoy kharella Sered.

5. Mose 2:16

Oun har i kourepangre dran Israel halauter moulo his,

5. Mose 2:7

Ma bistrenn, maro baro Devel das men barht an halauter, hoy mare vasta kran. Yob das yak ap mende ap o drom an kava baro moulo them: Star-deesh (40) bersha his o baro Devel mentsa, oun halauter hoy men hounte vas, das lo men.

Josua 24:7

kote dan le gole ap mande, o baro Debleste. Oun me čivom rati mashkral lende oun i Egiptaryen. Oun moukom o baro pani pral i Egiptaryen te vell. Oun o pani čakras len. Oun t'mare phoure dikan pengre yakentsa, hoy me ap i Egiptaryen krom. Oun t'mer djivan i rah tsiro an o moulo them.

Josua 5:4

Har djan i Israelitarya dran o them Egiptia vin, his i tsele morsha činlo ap pengro mass. Kolla, kay an o moulo tato them bolde van, his gomme gar činle ap pengro mass. Doleske činas o Yosua len kanna ap lengro mass. An kol star-deesh bersha har djan le an o moulo tato them trouyel, meran i tsele morsha, kay phouro doha his, te djan le an o kourepen. Yon shounan gar ap kova, hoy o baro Devel penas. Doleske hounte meran le yaake, har o baro Devel pes sovel das, te moukell lo len ko them gar te dikell, kolestar yob lengre phourenge penas oun peskro vast pre das, te dell lo len i them, kay boud thoud oun gvin hi.

Judas 1:5

Ninna te djinenn t'mer kova lauter, kamau, te bistrenn gar, har o Devel, maro ray, peskre menshen dran o them Egiptia vin las. Oun ap i vavar tsiro maras lo kolen, hoy gar patsan.