5. Mose 19:6 - O Debleskro Lab 2024 (Sinte-Manouche)

⁶ Te vals an o tselo them kokres yek sau foro, nay vals ko drom dour koleske, kay hounte nashell peske kote. Oun kova, kay kamell o rat o moulestar pale te anell ap o shero kolestar, kay maras les, oun lell les pherdi rholi palla, kova nay lals les dren oun dals les moulo – koles, kay kek doosh ap leste hi, kolake yob hounte merals. Yob his glan kova gar rhoyedo ap o vavareste.

O Debleskro Drom 2021 (Sinte)

⁶ Te wals an o tselo them kokres jek sau foro, nai wals ko drom dur koleske, kai hunte nashell peske kote. Un kowa, kai kamell o rat o mulestar pale te anell ap o shero kolestar, kai maras les, un lell les pherdi choli palla, kowa nai lals les dren un dals les mulo – koles, kai kek doosh ap leste hi, kolake job hunte merals. Job his glan kowa gar chojedo ap o wawareste.

5. Mose 19:6 Iomraidhean Croise

2. Samuel 14:7

Oun kanna stan mire tsele menshe pre oun kamenn, te dap len koles, kay das peskro phrales moulo, te lenn le leskro djipen ko djipaske leskro phralestar, koles yob moulo das. Palle hi man bouder kek čavo, kay pal miro merepen lauter lella. Oun kova, kay mange pral ačas, hi ninna krik. Oun o lab miro romestar vell bistedo.”

4. Mose 35:12

Oun kol forya hi savenge, kay hounte khatrenn pen kolendar, kay kamenn o rat kol marede menshendar ap lengro shero pale te anell. Yaake hounte merell kova gar, kay das yekes moulo, bis te yob glan i tsillo tardo hi, glan kolende, kay rakrenn o čačepen pral leste vin.

5. Mose 19:5

Kova nay vas yaake: Douy morsha djan an o veesh, te denn le kasht tele, oun ko yek hadell peskro vast, an koya i tover hi, oun lell vin, te dell an o kasht, oun o saster phagell tele oun djal an koleste, kay pashel hi, oun kova merella. Savo nay nashell an sau foro oun ačell djido.

5. Mose 19:7

Doleske penau me t'menge, te rodenn triin forya vin.

5. Mose 21:22

Te kras yek i čilačo koova, koleske yob moulo dino hounte vell, oun yob vas maredo oun ap i kasht pre pandlo,

Josua 20:5

Oun te lell les kova palla, kay kamell les moulo te dell, palle denn kol morsha dran ko foro koles, kay yekes temerl das, gar vin an koleskro vast. Ninna te das yob yekes moulo, kamas lo kova gar, oun his gar rhoyedo ap leste.