5. Mose 18:8 - O Debleskro Lab 2024 (Sinte-Manouche)

⁸ Palle lell yob ninna yaake boud rhapen har kol vavar ninna lenn. Oun kova, hoy lo peskro dadestar las, hi les gomme pral pre.

O Debleskro Drom 2021 (Sinte)

⁸ Palle lell job ninna jaake bud chapen har kol wawar ninna lenn. Un kowa, hoi lo peskro dadestar las, hi les gomme pral pre.

5. Mose 18:8 Iomraidhean Croise

2. Familjakro liil 31:4

Oun yob penas i menshenge, kay an o foro Yerusalem djivan, te denn le ninna pengro kotar, te nay lenn i rashaya oun i Levitarya pengro tselo tsiro, te krenn le o Debleskri boudi, yaake har an o baro Debleskre lila činlo hi.

Nehemia 12:44

An ko tsiro van morsha vin rodedo, kay yak hounte dan ap kol khera, kay o rhapen dren anlo vas, hoy i Israelitarya yaake hounte dan, har an o Moseskro liil činlo his: nevo djob oun neve roukengre, oun o deshto kotar lauterestar, hoy le ap pengri phoub troul i forya dren anan. Kova lauter his i rashayenge oun i Levitarenge. Oun kol menshe an Youda his barhtelo pral pengre rashaya oun Levitarya,

Nehemia 12:47

Oun kava tsiro, kay o Zorobabel oun o Nehemia i pralstoune pral o them Youda his, dan i tsele Israelitarya i gipangren oun kolen, kay yak ap i foreskre voudya dan, kova, hoy len hako dives o djipaske hounte vell. I menshe anan kova, hoy le o Debleske dan, pash i Levitarya. Oun kolla dan palle i rashayen yaake boud kolestar, har glan činlo his.

3. Mose 27:30

O deshto kotar halauterestar, hoy baro vas ap i harhetikri phoub oun ap i rouka, hi o baro Debleske, oun hounte vell leske anlo.

3. Mose 7:14

Yek kotar hakenestar vell glan o baro Debleste anlo. Kova lell o rashay, kay o rat ko maredo firhestar troul o Debleskri rhačepaskri čoras.

4. Mose 18:21

Kol Levitaryen dau me ko deshto kotar lauterestar, hoy an o them Israel bares vella. Yon boudrenn ap miro kheer. Doleske lenn yon kova.

Louka 10:7

Ačenn an ko kheer, kay yon t'men pre lan! Rhan oun piyenn kova, hoy yon t'men denna! Hako boudepaskro lell peskro rhapen kolendar, kolenge yob boudrella. T'mer hounte djan gar an yek kheer pal o vavar.

5. Mose 18:7

kova nay vell, te krell lo o baro Debleskri boudi yaake har kol vavar Levitarya ninna, kay kote i rashaya hi.