5. Mose 18:2 - O Debleskro Lab 2024 (Sinte-Manouche)

² Kek them lenn i Levitarya an Israel har lengre phrala lenna. Kova hoy yon lenna, hi lengri boudi o baro Debleske. Yob kokres dikell ap lende, te hi len lauter, hoy len hounte vell. Yaake penas lo lenge.

O Debleskro Drom 2021 (Sinte)

² Kek them lenn i Levitarja an Israel har lengre phrala lenna. Kowa hoi jon lenna, hi lengri budi o baro Debleske. Job kokres dikell ap lende, te hi len lauter, hoi len hunte well. Jaake penas lo lenge.

5. Mose 18:2 Iomraidhean Croise

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

Debleskri gili 119:57

Me penom mange: O baro Devel hi o pralstouno an miro djipen. Pal leskre laba kamau te djivell.

Debleskri gili 16:5

Tou, baro Devel, hal miro bravlepen, oun deh man lauter, hoy man hounte vell djipaske. Miro tselo djipen hi an tiro vast.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Jesaja 61:6

T'mer venn rashaya o baro Deblestar, oun venn kharedo maro Debleskre boudepangre. Oun ko bravlepen dran vavar themma, koleha moukenn les t'mer t'menge mishto te djal, oun koleha sharenn t'men.

Ropaskre gilja 3:24

Me penau mange: O baro Devel hi halauter, hoy man hounte vell; doleske dikau ap leste.

Ezekiel 44:28

I rashayenge vell kek kotar phoub, hoy o dadestar ap o čaveste doureder dino vell. Me hom lengro kotar. Len vell kek kotar them an o them Israel. Me dau len, hoy len hounte vell djipaske.

4. Mose 18:20

Oun o baro Devel penas ap o Aroneste: Ap ko tsiro, kay venn i Israelitarya an lengro them, leh tou kek kotar phoub, hoy djal o dadestar ap o čaveste doureder, yaake har kova i vavar Israelitarya lenna. Me hom tiro, oun hom tiro bravlepen.

4. Mose 18:7

Tou oun tire čave, t'mer han mire rashaya, te krenn t'mari boudi pash o Debleskri rhačepaskri oun dren an o kouč isema, hoy pal o voudar dran o kouč kotar than hi. Kay boudi dom me t'men. Te vell yek vavar pash o Debleskro koova, hoy koy dren hi, hounte merell lo.

5. Mose 10:9

Doleske vell i Levitaryen kek them har lengre phralen. Kova hoy yon lenna, vell dran lengri boudi o baro Debleske. Kova penas lenge t'maro baro Devel.

Josua 13:14

I menshenge dran o kheer Levi vas kek kotar them dino. Yon lenn pengro kotar kol firhendar, hoy i Israelitarya o baro Debleske anenna, kay o Israeleskro Devel hi. Yaake vell kova, hoy i Levitaryen hounte vell djipaske, o baro Deblestar. Yaake penas lo les lenge.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.