5. Mose 18:10 - O Debleskro Lab 2024 (Sinte-Manouche)

¹⁰ Kek mank t'mende hounte rhačrell peskro morsh čaves oder peskri čat an i yag o Debleske. Kek mank t'mende hounte vell i dourkepaskro, kek i dravepaskro, kek, kay krell vavar bengeskri koova,

O Debleskro Drom 2021 (Sinte)

¹⁰ Kek mank tumende hunte chatchrell peskro mursh tchawes oder peskri tchat an i jag o Debleske. Kek mank tumende hunte well i durkepaskro, kek i drawepaskro, kek, kai krell wawar bengeskri koowa,

5. Mose 18:10 Iomraidhean Croise

1. Mose 44:5

T'mer čoran miro rayeskro roupeno khoro, dran koleste yob piyell oun dourkrell. Hi gar mishto, hoy kran!”

2. Rajengro liil 16:3

Na-a, yob djas ap kol dromma, kay kol bare raya dran o them Israel ninna djan. Ninna moukas lo peskro čaves an i yag te rhačrell, yaake har kova kol menshe kran, kay o baro Debles gar prindjrenn oun savo djoungelo koova krenn. Kolen tradas o baro Devel glan i Israelitarya dran o them vin, te nay djivenn i Israelitarya koy dren.

2. Rajengro liil 17:15

Oun yon rikran gar leskre laba. Oun ko lab, hoy das lo lengre phourende, kay lo penas, te hi lo lengro Devel oun yon leskre menshe, ko lab his lenge či moldo. Yon moukan pen gar lestar trad te dell, oun nashan kol deblen palla, hoy či molenna. Oun yaake djivan le čičeske. Yon kran savo koova har kol menshe an i themma troul lende, kolendar o baro Devel lenge penas, te krenn le gar har yon krenna.

2. Rajengro liil 17:17

Oun yon moukan pengre čave oun ča an i yag te rhačrell, oun kran dourkepen oun dravepen. Oun yaake dan le pen an savo koova, hoy glan o baro Debleskre yaka djoungeles hi oun rhoyran les.

2. Rajengro liil 21:6

Oun yob moukas peskro čaves an i yag te djal oun shounas ap čirklengre golya oun vavar sikepen, oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

2. Rajengro liil 23:24

Ninna tradas o Yosia i tsele dravepangren krik, oun kolen, kay i moulen poučenn, oun moukas i khereskre deblen oun i vavar rhorhene deblen krik te anell dran o them Youda oun dran o foro Yerusalem. Kova kras lo, te vell halauter yaake kerdo, har činlo hi an ko liil, kay lenge o Debleskro drom siklo vell, – ko liil, hoy o rashay Hilkiya an o baro Debleskro kheer hatsas.

1. Familjakro liil 10:13

O Saul meras doleske, kay yob gar kras, hoy o baro Devel leske penas, oun kay yob pash koy djouvyate djas, kay i moulentsa rakras, oun lat poučas.

2. Familjakro liil 28:3

oun rhačras soungepaskro koova an i tala, hoy kharell Ben-Hinnom. Ninna rhačras lo peskre čaven i rhorhene deblenge. Yaake kras lo savo djoungelo koova, har i menshe an vavar themma kran, – save menshe har kolla, kay o baro Devel glan i Israelende dran o them tradas.

2. Familjakro liil 33:6

Oun yob moukas peskre čaven an i yag te djal an i tala Ben-Hinnom, oun shounas ap čirklengre golya oun vavar sikepen, oun kras dourkepen oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

2. Mose 22:17

I dourkepaskretsa hounte denn temerl.

2. Mose 22:18

Hakeno, hoy i firheha sovell, hounte merell.

Jesaja 47:13

Boud goseve penan touke, hoy te kress, yaake te val khino kol boud labendar. Mou venn le kanna oun lenn tout dran i bibarht vin, kolla, kay draverenn an i bolepangre momlia, te djinenn le, hoy vella, oun hako nevo čon touke penenn, hoy pral toute vell.

Jeremia 27:10

Kal menshe penenn t'menge rhorhepen. Te patsenn t'mer lenge, venn t'mer dran t'maro them krik anlo. Me tradau t'men mandar krik, oun t'mer merenna.

Jeremia 27:9

Ma shounenn ap t'mare rhorhene rakepangre oun ap i dourkepangre, vitar gar ap kolende, kay sikrenn, hoy sounya penenn, vitar gar ap kolende, kay krenn bengeskro koova oun kay poučenn i moulen. Kolla lauter penenn t'menge, te hounte krenn gar, hoy o baro ray pral Babilonia t'mendar kamell.

Jeremia 32:35

Oun yon kran moulne platse o rhorheno debleske, o Baaleske an o telstouno them, kay kharella Ben-Hinnom, te nay moukenn le pengre čaven oun čen o debleske Molok an i yag te djal. Savo koova penom me lenge gar. Oun an kek tsiro vas mange kova an miro shero dren, te poučoms savo koova lendar. Har yon savo djoungelo koova kran, anan le i doosh ap o tselo them Youda.

Jeremia 7:31

Oun kran an koy tala Ben Hinnom i rhačepaskri, hoy kharell Tofet, te rhačrenn yon pengre čaven oun čen. Savo koova penom me lenge gar. Oun kova vas mange gar an o shero.

3. Mose 19:26

Ma rhan mass, kay rat dren hi. Ma dourkrenn! Ma krenn bengeskro koova!

3. Mose 19:31

Ma djan pash i dourkepangre oun pash kolende, kay i moulen poučenn! Ma rodenn saven pre, te krenn t'men gar pale-čiddo ap lende. Me, o baro Devel, hom t'maro Devel.

3. Mose 20:6

Miri rholi vell ninna ap koleste, kay djal pash i dourkepangre oun pash kolende, kay i moulen poučenn, te poučell lo lendar, hoy te krell lo. Me moukau les bouder gar mank peskre menshende te djivell.

Micha 5:12

T'mare figure, hoy an-mangenn, oun t'mare pre-čidde barra dau paash, te mangenn t'mer bouder gar kova an, hoy t'mare vastentsa kran.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Bičepangre 19:19

Boud dourkepangre lan pengre lila oun rhačran len glan halauterende. Kol lila his nay panč-deesh zerya (50.000) roupene beme moldo.

Bičepangre 8:9

An ko foro Samaria his ninna i morsh, kova his i dourkepaskro. Leskro lab his Simon. Yob penas pestar, te hi lo i baro morsh. Oun i menshe an ko foro kran bare yaka pral kova, hoy yob kras.

Galatarja 5:20

Yon mangenn vavar koova an har o Debles. Yon dourkrenna. Yon kourenn pen oun čingrenn pen. Yon zilverenna, oun len hi rholi ap i vavarende. Yon dikenn ap pende kokres, te djal lenge mishto, oun dikenn gar ap i vavarende, te djal lenge ninna mishto. Yon moukenn pengre phralen oun djan vavarentsa khetne.

5. Mose 12:31

Ma krenn sau kova t'maro baro Debleha! Kova lauter, hoy yon pengre deblenge kran, hi djoungelo oun čilačo glan o baro Debleskre yaka. Ninna pengre morsh čaven oun pengre čen rhačran le lenge an i yag.

1. Samuel 15:23

Te shouneh tou gar ap leste, leh tou doosh ap toute, har te dourkrals tou. Te kreh tou gar, hoy o Devel toutar kamella, hi kova yaake čilačo, har te mangals khereskre deblen oun vavar rhorhene deblen an. Tou vitsral o lab o baro Deblestar ap i rig. Doleske vitsras lo tout ninna ap i rig, yaake te vess tou bouder kek baro ray.”

1. Samuel 28:3

Oun o Samuel meras. Oun i tsele Israelitarya van khetne oun rovan pral leste. Oun palle paskran le les an peskro foro Rama. Glan kava tsiro tradas o Saul i dravepangren oun kolen, kay poučenn i moulen, dran o them vin.

1. Samuel 28:7

Kote penas o Saul ap peskre boudepangre: “Rodenn mange i djouvel, kay i moulen poučell. Kamau te djap koy, te nay poučap latar!” Oun leskre boudepangre penan ap leste: “Dik, an o foro En-Dor hi i djouvel, kay i moulen poučell.”

1. Samuel 28:8

Oun o Saul kras pes yaake, te prindjrell les kek pale, oun rivas vavar koola an, oun djas koy pash late. Oun yob las gomme douy morshen peha. Oun yon van an i rat pash koy djouvyate. Oun o Saul penas: “De i moules mange gole, oun dourke mange, hoy vella! Me penau touke, kones te less pre!”

1. Samuel 28:9

Koy djouvel penas: “Tou djineh, hoy o Saul kras, te tradas lo i tsele dravepangre oun kolen, kay i moulen poučenn, dran o them vin. Oun hoske kameh tou man dren te čivell, te vap moulo dino?”