5. Mose 18:1 - O Debleskro Lab 2024 (Sinte-Manouche)

¹ I rashaya – yon hi lauter dran o kheer Levi, – kolla lenn kek them an Israel. Yon rhan kolestar, hoy i vavar Israelitarya o baro Debleske anenn, te vell kova leske rhačedo.

O Debleskro Drom 2021 (Sinte)

¹ I rashaja – jon hi lauter dran o kheer Levi, – kolla lenn kek them an Israel. Jon chan kolestar, hoi i wawar Israelitarja o baro Debleske anenn, te well kowa leske chatchedo.

5. Mose 18:1 Iomraidhean Croise

Jeremia 33:18

Oun hako tsiro hi rashaya koy dran o kheer Levi, kay rhačrenn mange hako dives firhen oun rhapen, save firhe, hoy tseles rhačedo venn oun vavar, kolendar kotya mass rhačedo venn.

Ezekiel 44:28

I rashayenge vell kek kotar phoub, hoy o dadestar ap o čaveste doureder dino vell. Me hom lengro kotar. Len vell kek kotar them an o them Israel. Me dau len, hoy len hounte vell djipaske.

4. Mose 18:20

Oun o baro Devel penas ap o Aroneste: Ap ko tsiro, kay venn i Israelitarya an lengro them, leh tou kek kotar phoub, hoy djal o dadestar ap o čaveste doureder, yaake har kova i vavar Israelitarya lenna. Me hom tiro, oun hom tiro bravlepen.

4. Mose 26:62

Oun i tsele morsh Levitarya, kay his yek čon oun phoureder, his khetne 23.000 (biish-te-triin-zerya). Yon lan kek them har i vavar Israelitarya. Doleske van le gar lentsa khetne ginlo.

5. Mose 10:9

Doleske vell i Levitaryen kek them har lengre phralen. Kova hoy yon lenna, vell dran lengri boudi o baro Debleske. Kova penas lenge t'maro baro Devel.

5. Mose 12:19

Ma bistrenn i Levitaryen oun denn lende, hoy len hounte vell, yaake rah har an t'maro them djivenn.

Josua 13:14

I menshenge dran o kheer Levi vas kek kotar them dino. Yon lenn pengro kotar kol firhendar, hoy i Israelitarya o baro Debleske anenna, kay o Israeleskro Devel hi. Yaake vell kova, hoy i Levitaryen hounte vell djipaske, o baro Deblestar. Yaake penas lo les lenge.

Josua 13:33

I menshenge dran o kheer Levi vas kek kotar them dino. Kova, hoy len hounte vell djipaske, vell lengro baro Deblestar, kay o Israeleskro Devel hi. Yaake penas lo lenge.

Josua 18:7

I Levitarya lenn kek kotar them mashkral t'mende. Lengro kotar hi, te nay venn le rashaya o baro Debleske. Oun i familye Gad oun Ruben oun i paash familya Manasse lan pengro kotar them ap i vavar rig o panyestar Yordan, ap koy rig, kay o kham pre djala. Kova das len o Mose, koles o baro Debleskro vast his.”