5. Mose 16:10 - O Debleskro Lab 2024 (Sinte-Manouche)

^10-11 avenn khetne glan t'maro baro Debleste, ap koy platsa, kay yob peske vin rodell, te vell lo kote an-mangedo. Anenn leske kolestar, hoy dren anan, kova, hoy kamenn t'mendar vin dran t'maro vast te dell, yaake har t'maro baro Devel t'mende peskri barht das. Oun avenn barhteles glan leste, t'mer oun t'mare čave, oun t'mare boudepangre oun i Levitarya oun i vi-themarya, kay pash t'mende djivenn, ninna kol čave kek dadeha oun kol djouvyen kolengro rom meras.

O Debleskro Drom 2021 (Sinte)

^10-11 awenn khetne glan tumaro baro Debleste, ap koi platsa, kai job peske win rodell, te well lo kote an-mangedo. Anenn leske kolestar, hoi dren anan, kowa, hoi kamenn tumendar win dran tumaro wast te dell, jaake har tumaro baro Dewel tumende peskri bacht das. Un awenn bachteles glan leste, tumer un tumare tchawe, un tumare budepangre un i Levitarja un i wi-themarja, kai pash tumende djiwenn, ninna kol tchawe kek dadeha un kol djuwjen kolengro rom meras.

5. Mose 16:10 Iomraidhean Croise

1. Familjakro liil 29:14

Me hom či, oun mire menshe hi či. Mendar nay dah tout gar savo boud koova! Lauter, hoy men hi, vell toutar. Ninna kava koova, hoy dam toute, lam toutar.

2. Familjakro liil 31:14

Oun yek Levitari, o Kore, koleskro dad o Yimna his, yob das yak ap o voudar ap koy rig, kay o kham pre djala, oun vas kanna dren čiddo te dell lo garda ap ko koova, hoy i menshe pendar o baro Debleske dan. Oun yob hounte das kova ap i rashayende oun i Levitaryen vin, hoy lengro kotar hi, ninna kol kotya mass, hoy kokres i rashayenge his.

2. Mose 35:29

Yaake anan i Israelitarya, morsha oun djouvya, kolengre djia rhačan, boud koova pendar, te vell koy tseli boudi kerdo, hoy o baro Devel o Moseske penas.

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Joel 2:14

Koon djinell, te rikrell lo ninna kava kopo i phagi pale, oun moukell djob oun drake bares te vell, te nay anenn t'mer yarro oun mool o baro Debleske, kay hi t'maro Devel.

3. Mose 12:8

Te hi li yaake čorvelo, te nay anell li kek bakro, palle anell li douy divye taube oder douy terne taube, yek, hoy o baro Debleske rhačedo vell, oun yek, hoy maredo vell, te vell o pale-čiddo koova latar krik lino. Yaake krell o rashay, te vell li pale erligo.

3. Mose 23:15

Efta tsele kourke pal ko Debleskro dives, kay anas o rashay t'maro nevo djob o baro Debleske,

3. Mose 25:26

Te hi les kek, kay ko kotar phoub nay pale ginell, oun leskro vast anell doha love khetne, te nay ginell yob kokres les pale,

3. Mose 5:7

Te hi ko morsh čorvelo oun nay anell kek bakri vitar kek bouzni, nay anell lo douy taube. Kolla nay hi douy divye taube oder douy vavar taube, yek, te vell i doosh krik lino, oun yek, hoy o baro Debleske tseles rhačedo vell.

4. Mose 28:26

Oun ko dives, kay anenn t'mer o baro Debleske ko nevo djobestar, hoy dren anlo vas, ko dives vell t'menge i baro dives, kay venn khetne glan o baro Debleste. Kek boudi hounte krenn t'mer ap ko dives.

4. Mose 31:28

Oun kolla, kay his an o kourepen, hounte denn čomone o baro Debleske. Kolestar, hoy yon pandles lan, le yek menshes hake panč-shelendar oun yek firho hake panč-shelendar, i groumyendar, i bakrendar oun foun i bourike. Oun de les o rashayeste Elazar, te dell yob kova o baro Debleste.

4. Mose 31:37

Kolendar hounte dan yon o baro Debleste 675 (shob-sheel-efta-deesh-te-panč) bakre.

1. Korintarja 16:2

Hako kourko čivell hakeno t'mendar yaake boud love ap i rig, har leske djala. Yaake hounte čivenn kol love gar khetne ap ko dives, kay vau pash t'mende.

2. Korintarja 8:10

Me patsau, kova hi mishto t'menge, te čivenn t'mer love pale khetne, yaake har kran kova glan yek bersh.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.

5. Mose 16:9

Efta kourke pal ko dives, kay djan vin ap t'mari phoub te činenn o djob tele,