5. Mose 13:5 - O Debleskro Lab 2024 (Sinte-Manouche)

⁵ Leske djan palla! Rikrenn les t'menge glan i yaka pash halauter, hoy krenn! Lauter, hoy yob penas, krenn! Shounenn ap leste! Mangenn les an! Oun rikrenn t'men ap leste!

O Debleskro Drom 2021 (Sinte)

⁵ Leske djan palla! Rikrenn les tumenge glan i jaka pash halauter, hoi krenn! Lauter, hoi job penas, krenn! Shunenn ap leste! Mangenn les an! Un rikrenn tumen ap leste!

5. Mose 13:5 Iomraidhean Croise

1. Rajengro liil 13:19

Yaake anas ko phouro o Debleskro morshes pale, te rhal lo maro oun te piyell lo pani an peskro kheer.

1. Rajengro liil 18:40

Oun o Eliya penas ap lende: “Taprenn kol rashayen o deblestar Baal! Kek te nashell peske!” Oun yon tapran len, oun o Eliya anas len tele pash o pani Kishon oun maras len kote.

2. Familjakro liil 34:31

Oun o baro ray his ap peskri platsa tardo oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi.

Jeremia 14:15

Kova hi, hoy me, o baro Devel, krau ap kol rakepangre, kay penenn, te rakrenn le an miro lab, ninna te bičrom len gar. Yon penenn ninna, te vell kek kourepen oun kek bok an kava them. Save rakepangre hounte merenn an o kourepen oun i bokatar.

Jeremia 29:32

Doleske dau me, o baro Devel, leste oun leskri familyate i phagi. Kek lendar ačell djido mank kal menshende. Oun yob dikell gar ko lačepen, hoy krau ap mire menshende. Peskro rakepah anas yob mire menshen mandar krik. Kova penell o baro Devel.

Jeremia 50:6

Mire menshe hi har nashede bakre. Lengre bakrengre anan len o čačo dromestar tele. Yaake nashran le pen ap i berge. Pral tikne oun bare berge hounte nashan le, oun bistran, kay le khere hi.

Jeremia 7:23

Me penom lenge: Shounenn ap miro lab, palle kamau me t'maro Devel te vell, oun t'mer han mire menshe. Djan ap ko drom, kay me t'menge penom, palle djal t'menge mishto.

Zakarie 13:3

Te penell savo morsh doureder, te hi leskro rakepen o Deblestar, palle penenn leskro dad oun leskri day ap leste: “Tou hounte meress! Tou rakral rhorhepen an o lab o baro Deblestar.” Oun leskro dad oun leskri day, denn les moulo čourye, doleske, kay rakras lo rhorhepen an o baro Debleskro lab.

Bičepangre 13:8

Ko dourkepaskro, o Elimas, – yaake his leskro lab ap grichtikes, – kamas kova gar oun kras lauter, te rikrell lo ko pralstounes pale, te vell yob gar patslo.

5. Mose 13:10

Na-a, tou dess les moulo. Tou vess o ersto, kay lell i bar an peskro vast, te vitsress ap leste, oun pal toute i tsele vavar.

5. Mose 13:15

palle rodenn mishto, oun poučenn palla, oun dikenn pal, te hi čačo. Te kran le kova, oun savo djoungelo koova vas mashkral t'mende kerdo,

5. Mose 13:9

ma kre, hoy yob toutar kamell, oun shoun gar ap leste! Yob te khaytell tout gar! Tout vell kek dji leske! Ma khate leskri doosh!

5. Mose 17:5

palle lenn ko morshes oder koy djouvyat, oun anenn len vin glan t'maro foro, oun vitsrenn barra ap lende bis te hi le moulo.

5. Mose 17:7

Kolla, kay dikan ko djoungelo koova, venn i glanstoune, te vitsrenn le barra ap lende. Oun pal lende venn kol vavar, kay glan o foro van, oun vitsrenn len moulo. Yaake lenn t'mer o čilačepen mashkral t'mende krik.

5. Mose 18:20

Te phourdell pes i Debleskro rakepaskro pre, oun penell i rakepen an miro lab, hoy me leske gar penom, te hounte rakrell lo, savo rakepaskro hounte merell. Ninna te rakrell yob an o lab i vavar deblestar, hounte merell lo.

5. Mose 19:19

palle krenn leha kova, hoy kamas yob peskro phraleha te krell. Yaake lenn t'mer o čilačepen mashkral t'mende krik.

5. Mose 22:21

palle hounte vell li vin anlo glan o kheer lakro dadestar. Oun i morsha dran ko foro vitsrenn barra ap late, bis te mouli hi li. Yoy kras i vi-ladjedo koova mank i Israelitarya, har loubras li trouyel an peskro dadeskro kheer. Yaake čivenn t'mer o čilačepen mank t'mende vin.

5. Mose 22:24

palle lenn kol douyen oun anenn len vin glan o foro, oun vitsrenn barra ap lende, bis te hi le moulo: Koy čay, kay gar gole das, ninna te his li an o foro, kay nay vals li shounlo. Oun ko morshes, kay ladj ap i pirnyate i vavarestar anas. Yaake čivenn t'mer o čilačepen mank t'mende vin.

5. Mose 24:7

Te vell i morsh tapedo, kay i vavar Israelitares čoras oun leha krell, har te vals lo i ginlo boudepaskro, oder yob bikras les, palle hounte vell ko čorepaskro moulo dino. T'mer hounte čivenn o čilačepen mashkral t'mende vin.

5. Mose 26:14

Me shounom ap toute, miro baro Debleste oun krom lauter yaake, har tou mange penal: An ko tsiro, kay rovom i mouleske, rhom kek rhapen, hoy tout dino his. Oun taprom či kolestar, har pale-čiddo homs. Oun dom či kolestar i moulenge.

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

5. Mose 6:13

Tou mangess o baro Debles an, oun rikress les glan tire yaka pash halauter, hoy kreh. Te deh tout sovel, dess tiri sovel pash leskro lab.

5. Mose 7:4

Kol ča anens t'mare morsh čaven o baro Debleskro dromestar tele, yaake te mangens le vavar deblen an. Palle vals o baro Debleskri rholi pral t'mende, oun sik marals yob t'men.

Josua 23:8

O baro Devel hi t'maro Devel. Ap leste rikrenn t'men, yaake har ap leste rikran bis ap kava dives.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Čačepangre 20:13

Kanna denn kol morshen vin, kol či-molden dran o foro Gibea, te nay das len moulo, yaake te nay vitsras o čilačepen dran o Israel vin.” I Benyaminarya kaman gar ap pengre phralende, kol vavar Israelitaryen, te shounell,

1. Samuel 12:14

Har kamoms, te sharenn t'mer o baro Deblestar, kay t'maro Devel hi, oun mangenn les kokres an, oun shounenn ap leste oun krenn, hoy yob t'menge penella! Har kamoms, te djan t'mer oun t'maro baro ray, kay pral t'mende hi, o Debleskro drom!