5. Mose 13:16 - O Debleskro Lab 2024 (Sinte-Manouche)

¹⁶ palle denn kol menshen an ko foro o rhareha moulo. Lauter hounte venn moulo dino, ninna lengre firhe.

O Debleskro Drom 2021 (Sinte)

¹⁶ palle denn kol menshen an ko foro o chareha mulo. Lauter hunte wenn mulo dino, ninna lengre vieche.

5. Mose 13:16 Iomraidhean Croise

2. Mose 22:19

Kova, hoy dell i vavar debleske i firho temerl, oun gar o baro Debleske, kova vell infam.

Jesaja 17:1

Kate sikrell o Devel, hoy pral o foro Damaskus vella: I tsiro vell sik, kay o foro Damaskus bouder kek foro hi. Lestar ačell či har tele phagede barra.

Jesaja 25:2

Tou kral o zorelo foro paash. Lestar ačas či pral har barra. Ko foro, kay i zoreli massouri troul leste his, hi čiddo an kotya. Kote, kay rayen dran vavar themma pengre shoukar khera his, hi kek foro bouder. Oun kek nay čivell len pale pre.

Jeremia 49:2

Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

Ezekiel 26:14

Me krau, te vess i nango baro bar, ap koleste i mačengre pengre gone vin čivenn. Oun tou vess bouder gar neves kerdo. Kava penom me, o baro Devel, t'maro ray.

Micha 1:6

Doleske krell o baro Devel, te vell o foro Samaria khetne dino bis ap i telstoune barra. Lestar ačell či pral har barra. Kolen vitsrell lo an i tala. Kote kay o foro tardo his, venn drakengre rouka an i phoub čiddo.

5. Mose 7:25

Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

5. Mose 7:26

T'mer hounte anenn kek savi figura an t'mare khera, te venn t'mer gar lentsa khetne moulo dino. Čačepah, dikenn ap lende har ap i djoungelo koova, oun denn len paash.

Josua 6:21

Oun yon dan lauteren i rhareha moulo: i tsele morshen, djouvyen, terne oun phoure, groumya, bakre oun bourike.

Josua 6:24

O foro oun halauter, hoy an leste his, rhačran le pre. Kokres o roup oun o sonakay oun ko sasterno koova čivan le pash o bravlepen an o baro Debleskro kheer.

Josua 6:26

Ap ko tsiro das pes o Yosua sovel: “Mou dell o baro Devel bibarht ap ko morsheste, koon kava foro pale pre čivell. Te čivell lo i telstoune barra pre, hounte merell leskro phoureder čavo. Te čivell lo i bare voudya dren, merell leskro terneder čavo.”

Josua 8:28

Oun o Yosua rhačras o tselo foro Ai yaake tele, te ačan kokres rhačede barra pral hako tsireske. Kolla hi gomme kava dives yaake čiddo.