5. Mose 12:11 - O Debleskro Lab 2024 (Sinte-Manouche)

¹¹ Palle hi vavarčandes har kanna: Palle anenn kova, hoy denn o baro Debleste, ap koy platsa, hoy yob peske vin rodas, te vell lo kote an-mangedo. Kote anenn lauter, hoy me t'menge penau: kol firhen, hoy kamenn leske te marell, save, hoy venn leske tseles rhačedo oun save, hoy rhan khetne. Kote anenn ninna o deshto kotar kolestar, hoy dren anan, oun ko vavar koova, hoy glan činlo hi, oun kova hoy denna yaake har t'men sovel dan.

O Debleskro Drom 2021 (Sinte)

¹¹ Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.

5. Mose 12:11 Iomraidhean Croise

1. Rajengro liil 12:27

Te djan i menshe an miro them kote pre, te denn le firhen o baro Debleske an leskro kheer an Yerusalem, nay nashals lengro dji o baro rayeske pral Youda pale. Oun man marans le, oun čivans pale o Roboam pral peste, ko rayeste pral Youda.

1. Rajengro liil 8:13

Oun me moukom touke kava raylo kheer te krell, te djivess koy dren oun nay ačeh hako tsireske.”

1. Rajengro liil 8:16

Ko tselo tsiro, har mire menshen Israel dran o them Egiptia vin anom, rodom me kek foro vin an o tselo them Israel, te krenn le mange kote i kheer, kay vap sharedo. Na-a, hi o David, koles vin rodom, te vell lo ray pral mire menshende Israel.”

1. Rajengro liil 8:29

Rike tire yaka pre pral kava kheer an i rati oun ap o dives! De yak ap ko kotar phoub, kolestar tou penal: Kote kamau te mangenn t'mer man an. Shoun man, miro ray, te rakrau kate touha!

2. Rajengro liil 18:22

Kamenn t'mer mange te penell: Maro baro Devel vell menge ap i rig! Bistran t'mer, kay yob kova hi, koleskre mangepaskre platse o Hiskiya krik las, ninna leskre rhačepangre? Oun o Hiskiya moukas i menshenge an o them Youda oun an o foro Yerusalem te penell: Kokres glan koy rhačepaskri, kay an o foro Yerusalem tardo hi, hounte vitsrenn t'men tele.

1. Familjakro liil 22:1

Oun o David penas: “Kate te vell o kheer o baro Debleske tardo. Kate krah leske i rhačepaskri, kay i Israelitarya nay rhačrenn firhen leske.”

2. Familjakro liil 6:20

Rike tire yaka pre pral kava kheer an i rati oun ap o dives! De yak ap ko kotar phoub, kolestar tou penal: Kote kamau te mangenn t'mer man an. Shoun man, miro ray, te rakrau kate touha!

2. Familjakro liil 7:12

Oun o baro Devel moukas pes o Salomestar an i rati te dikell, oun penas leske: Me shounom, har man an-mangal, oun rodom kava kheer mange vin, te venn mange kate kova rhačedo, hoy t'mer mange anenn.

Esra 6:12

Oun ko Devel, kay o Yerusalem vin rodas, te vell lo kote an-mangedo, yob mou te phagell hako baro rayes oun hako them, kay rikrell pes gar ap kava lab, hoy penom, oun hadell peskro vast, te phagell lo ko Debleskro kheer tele an Yerusalem. Me, o Darius, penom kava lab oun moukom les pre te činell, te rikrell pes hakeno ap leste!

Debleskri gili 100:2

Mangenn o baro Debles barhteles an! Avenn glan leste oun denn gole i barhtyatar!

Debleskri gili 116:17

Pash toute kamau me man te parkrell, oun tout an-mangell.

Debleskri gili 66:13

Doleske kamau an tiro kheer te djal, te anap touke firhen, hoy touke rhačedo venna. Kamau te dap tout, hoy dom man sovel glan toute.

Debleskri gili 78:68

Na-a, i menshen dran o kheer Youda rodas lo peske vin, oun koy berga Sion, hoy yob o djiyestar kamella.

2. Mose 25:8

Kamau lendar, te krenn le mange i kheer, te djivap nay mashkral lende.

2. Mose 29:45

Oun me djivau mashkral i Israelitarya oun hom lengro Devel.

Jeremia 7:12

Djan pash ko foro Shilo, kay glan rah tsiro miro kheer tardo his. Oun dikenn, hoy me kote krom doleske, kay mire menshe Israel čilačepen kran.

5. Mose 12:13

Denn t'men yak, te anenn gar kol firhen, hoy t'mer o Debleske rhačrenn, ap i vavar platsa, hoy hatsenn an o them!

5. Mose 12:14

Kokres ap koy platsa, hoy o baro Devel vin rodell an t'maro them, kote anenn kol firhen, hoy kamenn leske te rhačrell, oun kote krenn halauter, hoy me t'menge penau.

5. Mose 12:18

Kova vell anlo glan t'maro baro Debleste ap koy platsa, hoy yob peske vin rodell. Kote rhan t'mer les, t'mer oun t'mare čave oun ča, oun t'mare boudepangre, morsha har djouvya, oun i Levitarya, kay pash t'mende djivenn. Avenn barhtelo glan t'maro Debleste pral halauter, hoy t'mare vastentsa khetne lan.

5. Mose 12:21

T'mer hounte djan doleske gar ap koy platsa, hoy t'maro baro Devel vin rodell, te vell lo kote an-mangedo. Lauter, kay djivenn dour koy platsa, nay marenn oun rhan lengre groumyendar, bakrendar oun bouzyendar, hoy o baro Devel len das, yaake boud har yon kamenn – kote an lengre forya, kay le djivenn. Yaake penau les t'menge.

5. Mose 12:26

Ko vavar koova, hoy glan činlo hi, hoy hounte denn o Debleste, ninna koleske sovel dan, te denn les leste, kova anenn ap koy platsa, hoy o baro Devel peske vin rodell.

5. Mose 12:5

Mangenn o baro Debles ap i platsa an, hoy yob peske vin rodell mashkral an o them Israel, te djivell lo kote. Kote djan, te mangenn les an.

5. Mose 14:23

An ko deshto kotar tiro djobestar, tiri molyatar oun tiro djetestar glan tiro baro Debleste ap koy platsa, hoy yob peske vin rodella, te vell lo kote an-mangedo. An leske ninna kol groumya, bakre oun bouzya, kay hi o phoureder lengre dayendar. Rha kote ko rhapen oun ko mass kal firhendar. Yaake bistreh gar, te djivess tiro baro Debleha tiro tselo djipen.

5. Mose 15:19

Tire tsele morsh groumya oun bakre, kay i phoureder lengre dayendar hi, hounte dess tiro baro Debleste. Kal groumyentsa boudress gar ap tiri harhetikri phoub, vitar gar činess kal bakrenge i balla.

5. Mose 15:20

Glan tiro baro Debleste rhas len tou oun tiro tselo kheer hako bersh ap koy platsa, hoy o baro Devel peske vin rodell.

5. Mose 17:8

Te vell čomone glan i čačepangre anlo, hoy hi yaake phares lenge, te djinenn le gar, hoy te krenn, – savo koova, te das yek i vavares moulo, oder doukas les, oder čingepen pral kova, hoy o yekeske oder o vavareske hi, palle krenn t'men ap o drom oun djan ap koy platsa, hoy t'maro baro Devel peske vin rodell.

5. Mose 18:6

Te kamell i Levitari ko foro te moukell, kay djivell lo an Israel, oun kamell ap koy platsa te djal, hoy o baro Devel peske vi-rodell,

5. Mose 23:16

I pandlo boudepaskro, kay peskro rayestar krik nashas oun pash t'mende vell, koles denn t'mer gar an o vast peskro rayestar pale.

5. Mose 26:2

palle less tou ko ersto djob, hoy ap tiro phoub bares vas. Oun tou čivess les an i korba oun aness les pash koy platsa, kay yob kamell, te vell lo kote an-mangedo.

Josua 18:1

Oun i tsele Israelitarya van khetne an o foro Shilo, oun čivan kote o Debleskro plarhteno kheer pre. Ninna te his o them an lengro vast oun yon his ray pral leste,

Josua 22:11

Oun i tikno tsiro pre shounan i vavar Israelitarya: Kol morsha dran i familya Ruben oun dran i familya Gad oun dran i paash familya Manasse kran i altaro pash o pani Yordan an o them Kanaan, ap koy rig o themestar Israel.

Josua 22:16

O baro Debleskre tsele menshe moukenn t'menge te penell: “Havo čilačo koova kran t'mer ap o Israeleskro Debleste! Hoske moukan o baro Debles, oun kran t'menge i altaro? Koleha perenn o baro Deblestar tele!

Josua 22:23

Kava altaro kram mer gar, te rissras men o baro Deblestar tele. Mer kamam ap leste kek firhen oun kek djob leske te rhačrell, vitar kek mass save firhendar, hoy rhah khetne glan leste. Te kram kava altaro koleske, palle dell o baro Devel men i phagi koleske.

Josua 22:27

na-a, kava altaro te vell i sikepen, hoy sikrell mende oun t'mende oun mare čavende, kay pal mende venna, te nay vah mer glan o baro Debleskro kheer, te anas leske djob oun firhen, save, hoy venn leske rhačedo oun save, hoy rhah glan leste. Mer kamah gar, te penenn t'mare čave an ko tsiro, hoy vella, ap mare čavende: T'mer han gar o baro Debleskre menshe.

Josua 22:29

Čačepah, mer kamam men gar pre te hadell pral o baro Debleste oun lestar tele perell, oun i douyto rhačepaskri te krell, kay venn firhe oun djob leske rhačedo, oun kay mer khetne rhah glan leste. Na-a, kova te vell kokres ap koy rhačepaskri kerdo, kay hi tardo glan o plarhteno kheer o baro Deblestar, kay maro Devel hi.”

Josua 9:27

Oun yaake kras o Yosua, te van le boudepangre o khereske Israel, oun hounte dan kasht oun hounte anan pani i rashayenge, kay rhačran firhen o baro Debleske ap koy platsa, kay o baro Devel vin rodell. Kova hi gomme kava dives lengre boudi.

1. Samuel 1:21

O vavar bersh, har djas o Elkana pale pre peskri tseli familyah har hako bersh, te anell lo o baro Debleske i firhes, hoy vell leske rhačedo, ninna yekes, te rikrell lo peskri sovel, hoy yob das,