5. Mose 12:10 - O Debleskro Lab 2024 (Sinte-Manouche)

¹⁰ Te djan vergel o pani Yordan oun djivenn an ko them, hoy t'maro baro Devel t'men dell te venn kote khere, nay krell kek t'men kote čilačepen, oun kek rodell kourepen t'mentsa.

O Debleskro Drom 2021 (Sinte)

¹⁰ Te djan wergel o pani Jordan un djiwenn an ko them, hoi tumaro baro Dewel tumen dell te wenn kote khere, nai krell kek tumen kote tchilatchepen, un kek rodell kurepen tumentsa.

5. Mose 12:10 Iomraidhean Croise

1. Rajengro liil 8:56

Sharedo vell o baro Devel! Yob das peskre menshende i kotar phoub, kay mer nay djivah kek daryah, yaake har yob kova penas. Leskre tsele lače laba rikras yob, har yob penas menge dran o mouy o Mosestar, koles leskro čačo vast his.

1. Familjakro liil 22:18

Yob penas: “T'maro baro Devel hi pash t'mende! Yob kras, te han an kek kourepen kol thementsa troul t'mende. Yob das len an miro vast, oun o baro Devel oun leskre menshe hi o ray pral lende.

Debleskri gili 4:8

Tou kral miro dji barhtleder har o dji kolendar, kolen boud djob oun mool hi.

2. Mose 33:14

O Devel penas: “Me djau glan toute oun anau tout an i them, kay tou khere hal.”

Gosewe laba 1:33

Koon ap mande shounell, nay djivell kek daryah, oun leskro dji hounte darell kek bibarht.

Jeremia 23:6

An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Jeremia 32:37

Čačepah, me anau mire menshen pale kate an kava foro, dran kol tsele themma, kay me len tradau an miri bari rholi, hoy rhačell har i yag an mande. Me anau len pale an kava foro, te djivenn le kate kek daryah.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Ezekiel 28:26

Oun yon djivenn an ko them, oun len hounte vell kek daar i vavar themendar. Yon krenn penge khera oun čivenn drakengre rouka an i phoub. Oun kek nay krell lenge čilačepen. An ko tsiro kay dau kol themma troul lende pengri phagi, kay tele dikan ap i Israelitarya, dikenn oun hayvenn i Israelitarya, te hom me o baro Devel lengro Devel.

Ezekiel 34:25

Oun me pandau miro dji ap lende, oun krau lentsa vin, te nay djivenn le an o lačepen. Hake divye firhen tradau krik dran o them. Oun an o moulo them nay djivenn le kek daryah. Oun an i vesha sovenn le.

Ezekiel 34:28

Oun i menshe dran vavar themma randenn len bouder gar vin. Oun i divye firhe rhan len bouder gar. Yon nay djivenn kek daryah. Oun kek krell lenge bouder traash.

Ezekiel 38:11

Oun peneh touke: Me kamau pral ko them te perell, kay kek massurya troul leskre forya hi. Oun kamau pral kolende te vell, kay djivenn an o lačepen kek daryah. Kek massurya oun pandle voudya hi troul lengre gaba oun forya.

Ezekiel 38:8

Boud bersha djan gomme trouyel bis te venn t'mer khetne gole dino o kourepaske. Pal i rah tsiro djas tou tire lourdentsa an i them, hoy pal i kourepen pale neves kerdo vas, oun koleskre menshe dran boud themma khetne anlo van, te djivenn le ap i berge an Israel. I rah tsiro his kava them vi-meredo. Kanna van leskre menshe vin anlo dran boud themma, oun djivenn kote kek daryah.

5. Mose 11:31

T'mer djan čačepah pral o Yordan, oun venn an ko them dren, te lenn les t'menge dren. Kava them das t'men t'maro baro Devel, te lenn les t'menge dren oun djivenn koy.

5. Mose 3:27

Dja pral pre ap i berga Pisga, oun dik tout trouyel, dik serves oun čačes oun glan oun pal toute! Dik lauter mishto an! Tou djiness, te djas tou gar pral o Yordan vergel.

5. Mose 33:12

Ap o kheer Benyamin penas lo: Tou hal kova, koles o baro Devel peskro tselo djiyeha kamell, oun peskre vasta pral leste rikrell! O tselo dives dell lo ap toute yak, oun djivell mashkral toute.

5. Mose 33:28

Oun yaake nay djivell o Israel kek daryah kote. Kek kamell čingepen o Yakobeskre čaventsa. An lengro them vell djob oun mool baro. Oun o bolepen dell doha brishin.

5. Mose 4:22

Me merau an kava them, me djau gar vergel o pani Yordan. T'mer djan ap i vavar rig, oun lenn ko lačo them t'menge dren.

5. Mose 9:1

Shounenn, t'mer menshe Israel! T'mer djan kava dives pral o pani Yordan, te lenn themma t'menge dren kol menshendar, kay hi bareder oun zorleder har t'mer. Lengre forya hi bares, oun bare massurya djan troul lende pre an o bolepen.

Josua 11:23

Oun yaake har o baro Devel ap o Mose penas, las o Yosua o tselo them dren, oun das les i Israelende. Hakeneste kol deesh-te-douy Israeleskre čavendar das lo peskro kotar them, te venn le kote khere. Oun yon hounte djan bouder gar an o kourepen.

Josua 14:1

Oun kalla hi kol kotya them, hoy i Israelende dino van an o them Kanaan. O rashay Elazar oun o Yosua, koleskro dad o Noun his, khetne kol pralstunentsa pral i bare familyende, yon his kolla, kay dan ko them vin, te lell haki familya peskro kotar them.

Josua 3:17

Oun i rashaya, kay o morhton hidjrenn, kay o Debleskre deesh laba dren hi, kolla ačan tardo mashkral an o pani Yordan ap i phoub, hoy his bouder gar sapeno, bis te djan i tsele Israelitarya ap i vavar rig.

Josua 4:12

Oun i morsha, kay dran o kheer Ruben oun dran o kheer Gad his, oun kol paash kolendar dran o kheer Manasse, kolla lan pengre rhare pentsa, oun djan glan i vavar Israelitarya, yaake har o Mose kova glan i tsiro ap lende penas.

1. Samuel 7:12

Oun o Samuel las i bar oun čivas les pre mashkral Mispa oun Shen, oun das les o lab Eben-Eser, oun penas: O tselo drom his o baro Devel ap mari rig.