5. Mose 11:9 - O Debleskro Lab 2024 (Sinte-Manouche)

⁹ Oun t'mer djivenn i rah tsiro an ko lačo oun bravelo them, hoy o baro Devel pes glan t'mare phourende sovel das, te dell lo les lende oun lengre čavende pal lende.

O Debleskro Drom 2021 (Sinte)

⁹ Un tumer djiwenn i rah tsiro an ko latcho un brawelo them, hoi o baro Dewel pes glan tumare phurende sowel das, te dell lo les lende un lengre tchawende pal lende.

5. Mose 11:9 Iomraidhean Croise

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

Gosewe laba 10:27

Kova, kay djivell o baro Debleha, djivell boud bersha. O djipen o čilačestar vell tikneder.

Gosewe laba 3:16

An peskro čačo vast, rikrell o gosvepen i lengsto djipen touke, peskro servo vasteha dell lo tout bravlepen oun raylepen.

Gosewe laba 3:2

Yaake vell tout i lengsto djipen, oun tire djipaskre bersha venn pherdo lačepen.

Gosewe laba 9:11

Me, o gosvepen, dau tout i lengsto djipen, krau, te djiveh boud bersha.

Ezekiel 20:6

Me dau man sovel, te anap t'men vin dran o them Egiptia oun anau t'men an i them, koles me t'menge vin rodom. Kova hi i them, kay boudeder har doha thoud oun gvin hi. Kava them hi shoukeder har i tsele vavar themma.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 11:10

Kava them an kova t'mer venna, te lenn les t'menge dren, hi gar har ko them Egiptia, dran koleste t'mer vin djan. Kote hounte boudran phares te anenn o pani ap t'mari harhetikri phoub.

5. Mose 11:21

Palle ačenn t'mer an kava them, kolestar t'maro baro Devel glan t'mare phourende pes sovel das, te dell lo les t'mende, oun djivenn kote yaake rah har o bolepen pral i phoub hi.

5. Mose 4:40

Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 6:18

Te krenn, hoy čačo oun lačo hi glan leskre yaka, djal t'menge mishto. Oun t'mer venn dren an ko lačo them, kolestar o baro Devel t'mare phourenge penas, te tradell lo kolen glan t'mende kote vin, kay t'men gar kamenn. Oun yob das ninna peskro vast koy pre.

5. Mose 6:2

yaake te rikrenn t'maro baro Debles glan i yaka t'maro tselo djipen, oun denn yak ap halauter, hoy lo t'mendar kamella, ap leskre tsele laba, hoy me t'menge penau, te rikrenn t'men ap lende, t'mer oun t'mare čave oun čavengre čave. Yaake djivenn t'mer i rah tsiro an t'maro them.

5. Mose 6:3

Yaake shoun kanna, Israel, oun de yak te kress kova halauter, te djal touke mishto. Oun t'mer venn i bari natsyona an ko them, kay hi boud thoud oun gvin, yaake har o baro Devel, o Devel t'mare phourendar, kova t'menge penas.

5. Mose 8:7

T'maro baro Devel anell t'men an i lačo them. An kava them nashenna panya, hoy venn vin dran i phoub, oun nashenn i berge tele an i telstouno them.

5. Mose 9:5

Hi gar doleske, te vans lače menshe oun t'men vals i djoudjo dji, te venn t'mer an ko them, te lenn les t'menge dren. Na-a, t'maro baro Devel tradell kol menshen vin ko čilačepaske, hoy le kran, te rikrell yob koy sovel dren, hoy lo t'mare phourende, o Abrahames oun o Isaakes oun o Yakobes, das.