5. Mose 11:7 - O Debleskro Lab 2024 (Sinte-Manouche)

⁷ T'mer dikan t'mare yakentsa ko tselo baro kova, hoy o baro Devel kras.

O Debleskro Drom 2021 (Sinte)

⁷ Tumer dikan tumare jakentsa ko tselo baro kowa, hoi o baro Dewel kras.

5. Mose 11:7 Iomraidhean Croise

Debleskri gili 106:2

Koon nay penella ko tselo baro koova, hoy o baro Devel lauter kras? Koon nay sharell les doha?

Debleskri gili 145:12

te shounenn i tsele menshe, havo baro koova tou kral, oun havo raylo oun lačo ray tou hal pral mende.

Debleskri gili 150:2

Sharenn les koleske, hoy yob lauter kras! Sharenn leskro baro raylepen!

5. Mose 11:6

oun hoy lo kras ap o Datan oun ap o Abiram, kolengro dad o Eliab his dran o kheer Ruben: Har i phoub peskro mouy pre kras oun len mashkral i tsele menshende Israel pre rhas, len oun lengre tsele menshen oun lengre plarhtene khera, ninna lengre boudepangre oun firhe, hoy pash lende his.

5. Mose 11:8

Doleske rikrenn t'men ap i tsele laba, hoy t'menge kava dives penau. Palle han zoreles doha, te lenn ko them t'menge dren, an koleste kanna djan.

5. Mose 27:10

Doleske shounenn ap leste, oun rikrenn t'men ap leskre laba oun ap leskro čačepen, hoy t'menge kava dives penau!”

5. Mose 29:2

Koy phari bibarht, hoy anas lo ap lende, hoy sikras, te hi yob o Devel, dikan t'mer t'mare yakentsa, savo baro oun zorelo koova, hoy kek vavar nay krell.

5. Mose 4:3

T'mare yaka dikan, hoy o baro Devel kras pash i berga Baal-Peor. Hakenes, kay o rhorheno debles Baal an-mangas, maras t'maro baro Devel mashkral t'mende.

5. Mose 5:3

Gar mare phourentsa kokres djas lo koy sovel dren, na-a mentsa lauterentsa, kay kava dives djivah oun kate ham.

5. Mose 7:19

T'mer dikan, har lo peskri bari zoor sikras, oun kras sau koova, hoy kek vavar nay krell, oun anas boud bibarht ap i Egiptaryen. Peskro zorelo vasteha oun peskri pre-hadedi moussyah anas lo t'men vin. Yaake krell t'maro baro Devel i menshentsa an i tsele themma, kolendar t'mer darenn.

Josua 24:31

Oun i Israelitarya mangan o baro Debles an, yaake rah har o Yosua djivas, oun yaake rah, har pal leste kol phoureder djivan, kay ko tselo koova dikan, hoy o baro Devel i Israelenge kras.