5. Mose 11:15 - O Debleskro Lab 2024 (Sinte-Manouche)

¹⁵ Oun me moukau o zenlepen ap tiri phoub pre te djal tire firhenge. T'men hi hako tsiro doha te rhal.

O Debleskro Drom 2021 (Sinte)

¹⁵ Un me mukau o senlepen ap tiri phub pre te djal tire viechenge. Tumen hi hako tsiro doha te chal.

5. Mose 11:15 Iomraidhean Croise

1. Rajengro liil 18:5

Oun o Ahab penas ap o Obadya: “Mer djas an o tselo them trouyel, pash hake panya, tikne oun lengste, oun rodas zenlepen, te nay ačenn i graya oun i maultikre bourike djido, oun kek firhe merenn hounte.”

Debleskri gili 104:14

Tou moukeh i firhenge o khass bares te vell, oun djob oun zenlepen i menshenge. Yaake anell lenge i phoub lengro rhapen vin:

Jeremia 14:5

Ninna koy vesheskri groumni, kay las peskro ternepen, hatsell kek zenlepen, moukell peskro ternepen čiddo oun djal peske.

Joel 1:18

I groumya denn gole i bokatar, oun nashenn trouyel oun hatsenn kek khass. Ninna i bakre bokenna.

Joel 2:19

Yob penell lenge: Čačepah, me bičrau t'men djob, mool oun djet yaake boud, te nay rhan t'men čalo. Oun i menshe dran vavar themma nay praasenn t'men bouder gar.

Joel 2:22

T'mer divye firhe, ma darenn! I phoub vell zenelo, oun i rouka hidjrenn pengre roukengre. Dell boud fayge oun drake.

Joel 2:26

T'men vell doha rhapaske, oun t'mer sharenn o baro Debles, kay t'maro Devel hi, oun kras boud zorelo koova mank t'mende. Oun t'mer, mire menshe, venn bouder gar praasedo.

3. Mose 26:5

Ko tsiro kay t'mer o djob vin denn, djal bis te vell ko tsiro, kay činenn i drake tele. Oun ko tsiro, kay činenn i drake tele, djal bis te vell ko tsiro, kay vitsrenn o djob pale vin an i phoub. Oun t'men vell boudeder har doha rhapen. Kek krell t'menge čilačepen.

Haggai 1:6

T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.

5. Mose 6:11

ninna khera pherdo lačo koova, hoy tou gar khetne lal, oun vi-dine brounne, hoy tou gar dran o bar vin dal, ninna drakengre rouka oun djeteskre rouka, hoy tou gar an i phoub čival. Oun palle, te rhah kolestar lauter oun veh čalo,

5. Mose 8:10

Oun te rhan oun van čales, palle sharenn t'maro baro Debles ko lačo themeske, hoy lo t'men das.